Brownie

رغم اني مش مؤيدي ان البيولوجي بيشكل احلامنا و مسار حياتنا اوي ...و ان ادوارنا في الحياة مبنية علي انهي جهاز تناسلي بين افخاذنا ...بس لا انكر اني حاليا يسيطر عليا هاجس الامومة و بشدة ... مفتقدة اوي اني ابقي ام ...ابقي شخص مركزي في حياة صغير او صغيرة ..تتمركز حياته حواليا ..ابقي انا الراعية الاولي له .... انا اللي اوفر له الامل و امشي معاه رحلته من اول ما يكون نطفة ...لغاية ما يتجسد وليد علي صدري ..
لا انكر اني الهاجس بيزيد مع التقدم في العمر ...بقيت خايفة ...و باحس اني مش عايزة اعيش تجربة الامومة في سن كبيرة بكل سخافاتها من حمل صعب و ارهاق و عدم قدرة علي مواكبة الكائنات اللي عندها طاقة متجددة لا تنضب ابدا ...نفسي اجيب طفل و انا عودي لسة مشدود و انبسط باللعب معاه و ما اتهدش و انا باكبره ...و باتفزع من جملة قلتها صديقة و هي اننا مع كل حيض بنفقد عيل ...بنرمي عيالنا في الزبالة ..و للاسف البيوضات ها يجي لها يوم و تخلص .
عارفة ان الامومة ثمنها غالي برضه ...تقليل طموح مهني او تأجيله و الم و ارهاق مستمر ..تغيير كل خطة علاقاتي الاجتماعية ..دة غير ان انا ها اضطر اتغير ...خايفة لاني لا انكر ان اني في العادي شخص كسول جدا ..باكره النشاط الجسدي عامة و بافضل النشاط الذهني و الرعب ملايني ان فكرة وجود
طفل معناه التنازل عن ساعات نومي الطويلة الهانئة و معناها ان جدول حياتي يحدده الاستاذ او الاستاذة الجدد ...دة غير طبعا ان في الاول و الاخر محتاجين اصلا اب عدل ...يستاهل يشاركني حياتي و يشاركني رعاية مفاعيصي الحلوين

قلبي بقي بيرق لاي طفل ..اتقتلت لما شيلت اخر انتاج العائلة الكريمة ..عبد الرحمن 9 شهور ...بيقلدك بصمت ...لو شيلته و حضنته و طبطبت عليه ...اول ما اطمن طبطب عليا و بعد و ابتدي يتعرف علي وشي بكفوفه الصغيرة و ابتدي يلعب و يدلع ..انبهاره بالالوان و خصوصا لما يجيبه له افلام الكارتون ..... عينيه اللي بتوسع حدقتها ..اكنه عايز يتعلم اكتر و يكتشف عالمه الجديد....

بقي طقس يومي عندي اني ادور علي صور الاطفال السود الحلوين و ادور في تفاصيل علي بناتي و ولادي ...بقيت بافكر طول الوقت في اسماء ..في اسماء محموسة بالنسبة لي ..ها اسمي اول بنت امنة و اول ولد ساري ..رأي ابوهم المستقبلي هامشي خالص ...انا اللي ها اتعب فيهم و هما بتوعي اصلا

اخيرا اكتشفت اغاني سوداني لانصاف مدني ...فيها احتفاء ام بعيالها ..الاولي جناي اللبريدو ...ام فرحانة و تتمني انها تحني عيلها في
ليلة حنته ...و تقول

افرح به في الجامعة

بدعواتي السابعة

اشوفه في الجامعة

في السنة الرابعة

بالدرجة اللامعة

و تتمني انه يشتغل في وظائف مرموقة

يشتغل قاضي للفارغة ما فاضي

يشتغل دكتور و يبقي المرض ماضي

يشتغل بوليس و يكون الشعب عنه راض

او باشمهندس في تخطيط الارا ضي

و يقتلتني و هي بتقوله ...ان الادوار ها تتقلب بيني و بينك و انت اللي ها تكبر و ها بابقي محتاجة حنانك و عطفك و اهتماك ....
.... و ما يحوجني لحاجة في الدنيا الحواجة و هي بتفكره انه لازم ينفتكر هي ربيته علي

ربيته يبقي عزيز ...لا ينذل لا ينداس

و اخيرا بتتمني احلي امنيتين الاولي ...

يزورني الروضة و امسك سياجها

و الامنية التانية ....ما اموتش الا لما اشوفك عريس

يارب ما تشيلني ...الا اشوفه في بيته

غنايا اللي غنيته ...ضنايا اللي ربيته

و البنت الحلوة ...اللي ها تبقي فراشتي السعيدة ..اللي ها اعيد معاها نقاط نسيتها من حياتي ..عايزة اشوفها فيها احلامي المبتورة ..عايزاها تهرب من كل الحفر اللي وقعت فيها ..عايزة حياتها تبقي اقل سخافة في مجتمع اكثر رحمة بالنساء ...او تبقي اقوي مني و
.تستحمل عني ... في غنوة بنتي ست الناس ...بتدلعها جد

بنتي ست الناس ...سمحة ربيتها

..فاهمة ...ست الذوق ... مالكة سيد بيتها

و احلي بيت بالنسبة لي

بت حشايا ...بتقبل كلمة عليا

نور عيوني الجوز ...و تربية ايدي

و نعمة الخالق عليا

عاقلة ..في البنات زينة ...و حافظة لدينها

مش ها اكدب لو قلت ان اخفاقاتي في علاقات كتيرة سواء صداقات او حب او عمل ...و انهيار شبكات دعم و تخلي ناس عنك ...اكدوا احساسي ان اهم استثمار بشري هو الاستثمار في الاسرة ...و شوفت اني مثلا انا امي رغم ان انا من زحل و هي من المريخ ، بس مهما اختلفنا في شئ ما ...رابطة ما ...حنين ما بيرجعني و بادور عليها ...حتي و هي مستفزاني و هي كافرة بكل اللي باؤمنبه ..و برضه انا كافرة بكل افكارها برضه ...بس يبقي ان هي اللي شكلتهني في رحمها و راعت النبتة الصغيرة ...لغاية ما كبرت و المفروض بقي ...احس علي دمي و اضلل عليها ....

ليس كمثله احد في البشر ... يندي له قلبي لمجرد ان اراه

هذا الصغير الذي راقبته يكبر و ينضج و يزداد بهاء و ضياء

ذلك القادم السعيد الذي كفأنا به الاله بعد عام مؤلم تعرض فيه ابي الي وعكة صحية كادت تودي به ... جاء هذا الصعير ليرسم البسمة علي شفاهنا و لعب هذا الدور طوال حياته و الي الان

اتذكر ذلك اليوم السادس من فبراير 1989 ..حين اهل علينا محمد إمام بوجهه الصبوح... اطل علي العالم باسما ..صغيرا ..يحمل قدرا كبير من الجمال و الرقة و احاطناه بكل ما يمكن لقلوبنا ان تنتج من الدفء ... اتذكر يوم ولادته ..انا و نهال صديقتي الصدوقة و انا في الصف الثاني الابتدائي ، عكفنا علي اختيار الاسماء ... الا انهم اجهضوا حلمنا و اسموه محمد ، ليكون محمد بعد المئة في عائلتي

اتذكر سبوع محمد ..جدتي تحمله ..و هو يرتعد من البرد ..متدثر بشال ملون باللونين الوردي و الازرق ..لان امي دائما ما تحضر نفسها لاستقبال مولود من اي نوع ...اتذكر فرحتي انا و هبة بان الحفل في بيتنا و اننا من نرقص فوق طاولة السفرة

ما زالت اتذكر محمد و صغير جدا في مباريات كأس العالم في ايطاليا 1990 ، كان عمره بضع شهور و حمله ابي في مباراة هولندا و طاف به البيت هاتفا جوهري جوهري و محمد فرح لم يخف... اتذكره في نفس الصيف و يلهو علي الشاطئ و كل عابر يبتسم له و يداعبه و يطلق عليه اسم اللاعب الكاميروني ميلا و هو يعرف بشكل ما ان ميلا هو ذلك الافريقي الراقص بعد احرازه اي هدف ...

اعتقد ان علاقتي بمحمد قوية لاننا تشاركنا اوقاتا خاصة كثيرة .... انا من كنت اصطحبه من الحضانة الي البيت و اصطحبه من المدرسة الي البيت و كان شديد السعادة انني في الصفوف الثانوية بينما هو في الابتدائي و يومي الدراسي اطول ، لان ذلك يتيح له فرصة لعب اطول في فناء المدرسة .

كنت احب عندما يعود الي البيت و يقول : الميس قالت لي انت شاطر زي فاطمة ...و ينظر لي في حنو و ضيق في نفس الوقت انني اصعب عليه الوضع و احمله ضغطا ليجاريني في هوس لدرجات افضل.

كم احببت كفه الصغيرة و حكاياته عن حضانية البطاطس ، اسمي حضانته حضانة البطاطس لانها في شارع السوق

احببت وفاءه منذ الصغر لصديقه الاقرب احمد ..كنت استمتع بهم و هم يتحركوا كتوءم ...يفكروا سويا ..يتشاركوا الاحلام .. و تألمت بشدة لالمه عندما ابتعد الصديق
كم احببت قراءاتنا لنفس الكتب و نقاشاتنا ...دعمه له في عملي و فخره بي و هو يقول فاطمة دي اختي الكبيرة ...يجعلني اشعر ان لي قيمة ما عند من اهتممت به منذ صغره.....

صغيري الذي نما في احضان نساء كثيرات كان مصدر ضحك دائم ... كان يشاغب جدتنا الكبري فاطمة اوش الله و يعلمها العربية التي لم يتقنها بعد و كان يخلق سعادة في اكأب اللحظات ...ظل يمسك اي جريدة و يمثل انه يقرأ عن اكثم ..الناجي من زلزال 1992 و يدور في ارجاء البيت ...و كان اكثم ...كان اكثم و تتعالي ضحكاتنا ....و سألني يوم موت فرانسوا ميتران رئيس فرنسا الاسبق ... : هما بيغنوا ليه في العزاء هما فرحانين انه مات ؟؟ و انهارت ضاحكة و حاولت ان اشرح له انها ترانيم المسيحيين مثل القرأن لدينا

رغم انه الصغير و انه من المفروض ان يكون المدلل فهو اخو البنات ...الا انه طور تحمل للمسئولية منذ نعومة اظافره مختلطة بطاقو للرعاية و الاهتمام الدائم

صغيري الذي اجد فيه عوضا عن الاب الذي حزم امتعته مبكرا، اجد فيه عوضا عن ايام صعبة عشناها متحلقين نحن الاربع انا و ماما و اخوتي حول بعضنا البعض ..مستبعدين من العائلة الكبيرة .. الا انه ادهشني بقدرته علي التسامح و الرقي عن اخطاء الاخرين ، التي لم تكن لماما باي شكل من الاشكال

صغيري ..فاجأني حين رأيت اول مرة ببدلة رسمية ...احسست ان الايام مضت و بسرعة و ان الصغير صار رجلا يسر القلب و الخاطر .... كنت انظر له يوم اول تجمع عائلي في بيتنا الجديد بانبهار ...انك انضج من من اعمارهم تساوي ضعف عمرك و تحمل صبر امك و صفاء قلب ابيك
جمعت خير ما في هذه الاسرة و جودته ...اتمني ان تعاملك الايام بما تستحق

صغيري يتم غدا عامه الخامس و العشرين

ربع قرن امضاه يدخل الي قلبي السرور و الامان

دمت قرة عين لي يا حمادة ....

زي ما قلت لكم قبل كدة الاغاني بتحفر طرق حياتي و تعبدها و تقدم لي السند المعنوي و تختصر عليا طرق الالم او ترافقني في طرقي الوعرة... لما تبقي الاحزان هي نصيبي ..... انا من مواليد التمانينات و لسة فاكرة اوي و انا في اعدادي ...المغني الاسمر اللي بيغني و الكليب شديدة السعادة و المزيكا شديدة الجمال و البهجة و الاختلاف ..مش شبه اي حاجة سمعتها.... تعرفت علي الراي و انا بنت الثانية عشر او الحادية عشر.... الشاب خالد في ديدي فتح لي افاق سعادة ...

ادركت الان ان هناك رابط مخملي يربطني بالجزائر و الشمال الافريقي عامة ...حكايات عمي عباس عن سنوات انتدابه للجزائر بعد الاستقلال في بعثة التعريب التي ارسلتها مصر لاعادةة العربية للجزائر بعد سنوات مسخ لهوية الجزائر "العربية"علي يد المحتل .الفرنسي و لاحقا ادركت ان نسويات الجزائر من اهم ملهماتي تصديهم للعسكر و الاصوليين ، مثال يحتزي به في اي كفاح لحياة افضل للنساء و البشر عامة .

حبي للراي ليس حبا لموسيقي جميلة و ختلفة و مميزة عندما استمع الي الراي ..اشعر انني في مكوك سحري نقلني بين طرقات وهران و القسطنينة و تيزي اوزو ....

دعوني اخذكم في جولة الي احلي ما احب و ساسرد لكم لما احب كل اغنية

1 - بختة

تبدأ الاغنية بتدخل قوي للتشيللو و الكونتارباص ..اقوي الالات الوترية ...و اشبهها صوتا بالصوت البشري ...الموسيقا مزيج من الموسيقي الاندلسية و تدخل الاكورديون ينبهك الي لمحة فرنسية ....الموسيقي عذبة الا ان بها طابع شجي و ستدرك سبب الشجن مع بداية الكلمات ...بختة تلك الصبية الجميلة "زينة البنايا و يرغبها الهواري يا ياه "التي يرغبها مراديها ... بختة حين تبغيها كأنما "بغيت النجماية" ...لكن بختة تلك اليتيمة دائما ما ترد كل من يطرق بابها

بخته نور تنادي.... كيتي من البخته كيه

يرغبها مرادي ....امنيتي الغاليه سيدي

ذبلت قلبي وحدي.... كيتي من البخته كيه

حسنوا عون الخالدي... اللي ما شافته في الدنيا

اقسي ما يؤلمني في هذه الاغنية حين يصرخ الشاب خالد بصوته الاجش : "ذبلت قلبي لوحدي " .. ... اتألم لالم هذا العاشق الذي يرسل "مراسيل ليستطلعوا اخبار محبوبته و لا يبقي له في اخر يومه سوي "المحنة و التفكرار"....

رابط لاغنية بختة ...

2 وهران

لو كل بني ادم له نشيد وطني يغنيه كل يوم الصبح يعبر عنه و عن الامه و احلامه ..نشيدي ها يبقي وهران ...وهران اللي فضاها الاستعمار من خيرة ابناءها و كمل الاصوليون علي اللي باقي ...وهران احد اعرق مدن الشمال افريقي ..يبكيها الشاب خالد

وهران ......وهران

روحتي خسارة

هجروا منك ناس شطارة

قاعدين في الغربة حياري

و الغربة صعيبة و غدارة

وهران اكتر اغنية بتحسسني بفقد الوطن ..الاجبار علي الهجرة ..ضيق ذات اليد و تنامي كل الظروف الطاردة اللي في الاخر بتؤدي الي هروبنا بشكل او اخر ..و لكن بتبقي وهران ...الوطن احلي بلاد الارض .. باخاف اوي لما بينتحب الشاب خالد و هو بيقول "وهران روح شبابي "فكرة ضياع العمر جوالين في ارض الله مرعبة ... و لما يترجي "يا اللي رايح لها غادي ...وصي يتهلاو في
. بلادي "وو اخيرا المقطع الاكثر ايلاما "عمري ما ننسي بلادي ..ارضي و ارض اجدادي

كل ما اسمع الاغنية افتكرني و انا بادرس في الماجستير برة لحظات اللي سكنني الجنون و بقيت باشاور للبر التاني من مالطا رغم اني مدركة ان البر التاني تونس بس كنت برضه باشاور و حسيت ان احسن مقطع يعبر عن حالتي كل غصة وحدة و الم و قلة حيلة و انت لوحدك حتي مع الصحاب ... برضه مفيش زي بلدك مهما كان قاسي عليك

رجعت غمة في فؤادي ...وليت نبكي و ننادي

رابط لاغنية وهران ..احلي توزيع في نظري

3 عبد القادر
الاغنية دي رفيقة الكفاح ...صدرت و انا في 3 ثانوي ..الظروف كانت بائسة ..غير رعبي ان درجاتي تقل لاي سبب و كارثة عائلية زلزتني و بعنف ..جاءت الغنوة دي ...3 من المغرب العربي بيغنوا في فرنسا و كأنما امتلكوا الدنيا و ما عليها بيغنوا لاحد عظماء الجزائر اللي جمع بين السلطة الدينية و السلطة السياسية و الكفاح ضد الفرنسيين.. لسة فاكرة لما سجلت شريط ساعة و نص كلهم الغنوة دي ..كانت زي طاقة بابثها في وريدي عشان اكمل ... ..الابتهال اللي في الاول اللي لسة باقوله في كل حالة

عبد القادر يا بو علم

ضاق الحال عليا

داوي حالي يا بو علم

سيدي و في عينيا

حبيت في الغنوة اوي لما الشاب فضيل يطلب من الولي الصالح انه يتحزم استعدادا للقتال او انجاز مهمة ما ..الايمان ان في سند ما قادر علي ازالة ملايين المخاوف...و في النهاية تقتلني النهاية و بتحسسني اني وسط موج قوي الا انه حاني مش بيخليني اشعر غير بحيوية و سعادة

رابط لاغنية عبد القادر

4 لله يا جزائر

انا اصلا الاغاني الوطنية بتجيب لي حساسية من كتر الخناق و الفشر بقي ...احنا اللي هدينا الجبل و احنا اللي دهننا الهوا دوكو و فشر السنين ....الا الغنوة دي ...في رقة و لطافة كدة ...لما يقول

لله يا دجزائر

يا وردة الروح

نحلم نجي يوم عطر الحب يفوح

و نقدر من غير حشمة نغزر في عينيك

من غير ما نخاف منك

و لا نخاف عليكي

الغنوة للبلد الجريحة اللي ادماها صراع مسلح ، اودي بحياة 200 الف ضحية ...رجعت الجزائر قرون للوراء ..افترسها الارهابيين المتأسلمين ... و تتلخص الغنوة لما يقول
دماء الشهداء ما راحتش خسارة
وردة الروح مش اعظم جيش و لا احلي هردبيز
رابط اغنية لله يا دجزائر

5 يا المنفي
...الالم في اقوي صوره ...الاغنية دي بتوجع اوي لانها بتفكرني بنفسي و انا برة ...صحيح يمكن القمع و عداء الاجانب بس الاغنية بتوصف شعورك و انت غيريب و منفي من ارضك حتي لو كان نفي اختياري ..طفشت العيشة السوء و اللي عايشينها ... و انت ماشي و راحل بتوجعك اوي اوجاع الفراق و ان قرارك بيأثر في الغاليين و خاصة امك
رشيد طه بيقولها بكمية اسي مرعبة ...

قولوا لامي ما تبكيش

يا المنفي

ولدك ربي ما يخليش

ايمانك ان في احلك الظروف ، ربك كريم و ها يساندك ساعات بيبقي الضوء الوحيد في الانفاق الرطبة المعتمة اللي بتمشي فيها في غربتك و قيتكلم علي معاملة الاغراب له انه اقرب لحيوان لما علي الدخلة يعفوا له الراس ....رغم ان توزيع رشيد مشخلع و راقص عن الاغنية الاصلية بس صوته الاجش عظيم في الغنوة دي
الاغنية بصوت رشيد طه
رابط اغنية يا المنفي الاصلية

كل شوية ها اكتب عن اغاني تانية ...اعتبروا دة الجزء الاول

المطربة لطيفة ر\أفت

نستكمل الرحلة الملكية في الصحراء الافريقية بين مدن الشمال الافريقي ترشدنا فيها انغام الراي ..

دي التدوينة التانية ...التدوينة الاولكانت مستنزفة ليا عاطفيا ..استرجعت معاها كل اللحظات و كل الرجفات اللي اعترتني مع كل

غنوة .. اتمني ان العواطف اللي بتحتلني تساعدني في وصف جمال كل قطعة فنية و جماليات كل اغنية

6 الحراقة

في نزيف لا ينتهي في الشمال الافريقي مرتبط بالهجرة لشمال المتوسط ... العيال اللي بتغرق ... العيال اللي بتهرب بعمرها من الفقر و فشل الدولة و انعدام اي مستقبل ادمي في بلادها و تتجه شمالا سعيا لاي بارقة امل ... الحراقة بتتكلم عن دة الحراقة من اكتر الاغاني ايلاما ... .. بتدور علي لسان اب بيحاور عياله قبل ما يهاجروا ....

بكيت علي ولادي

بكيتعلي بلادي

شوفت دموعي في الخدود

كبرتهم و عييت

اتمنيت لهم الهنا بلاحدود

قالوا لي يا بابا

راهو المستقبل مسدود

الحوت خير من الدود

لما توصل بك الحال تختار تموت في امعاء الحوت ، السمك بالهادرة الجزائرية ، و لا الدود افضل .... يبقي المستقبل هو الموت و انت اللي تختار الوسيلة و يا ما زينة شباب ماتوا في الطريق للجزر الاوربية الباردة و خاصة جزيرة لامبادوزا ، جزيرة المزت ...نبكي

علي ولادي و نبكي علي بلادي

و الوجع كله يكمن حين يبتهل لله طالبا الرحمة ... ارحمني يا الله ...بكل الالم و اللوعة اللي في الدنيا

رابط لاغنية الحراقة

7 حاكموهم ...حاسبوهم

الاغنية دي هي الدليل القطعي ان الفن سابق السياسة بسنين ضوئية ... رشيد طه بيتظاهر تقريبا مش بيغني مطالبا بانهاء خدمة كل طغاة ما يسمي ب "العالم العربي"، كل اللي تواطأوا مع الجهل و الفقر و الاغراب علي شعوبهم و بيعدد بقي كل اسباب و مصوغات فشلهم من عنصرية و خيانة و غفلة و حقارة و غد

و يردد الكورال شديد البأس

نحوهم ..حاسبوهم

الغنوة دي تنفع تبقي موسيقي تصويرية للحراك السياسي في المنطقة دي من العالم ..بغض النظر عن نجاح الحراك دة من عدمه

...وجوده في حد ذاته احسن من سبات الموتي اللي كونا فيه

و يبقي مقطعي المفضل وصف الحكام

الغدارين ... الوسخين .. الخيانين ... الحقارين

سب من اعماق الاعماق

رابط لاغنية حاكموهم ..حاسبوهم

8 يا ليلي

بعد جرعة السياسة و النكد الشديدة السابقة ، خمسة رقة و لطافة بقي ... الاغنية دي ارق ما يمكن ان يقال من حبيب لحبيبها ... المزيكا السعيدة الرقيقة ... و دخلة خالد بصوته القوي الاجش و هو مش بيتفزلك و لا بيعقد الامور و بيتكلم بصدق يطرق ابواب القلب و هو بيقول :

يا ليلي كيف حالك اليوم ؟؟

يا ماما يا حياتي يا مون امور ( حبي باللغة الفرنسية)..

ازاي بينطق اسمها و ازاي بيندهها و يقول لها يا ماما ...اكنه ناسك بيتعبد و يناجي ملهمه ...رقة طالعة من الراجل الصلب اللي صوته علي طول بيرسم صورة ذهنية لجبال الجزائر الوعرة في دماغي .... باذوب من جماله لما يقول لها

باحلم بك فياق و نوم

رابط اغنية يا ليلي

ها اطلع برة شوية الراي ..لمزيكا تانية في مروج الشمال الافريقي ...

9 نساية

الغنوة دي جت دنيتي في وقت قريب اوي و لقيتها بتحكي علي كل حاجة في دنيتي ... الحبيب اللي زعلان من حبيبته النساية من الصغرة و من القراية و ازاي كان بيترسم لها و كل عشية كان يحبها "تفتن بيا"و هو لابس شاشية ( القبعة التقليدية التونسية) و جبة و بقي قمر و يشكي لها ان ايامات يعدوا و في جيوبهم خمس بيسات و يحسبها ثروة معاه ... و يقول لها الجزء الاحلي اللي بيختتم به الرحلة

رحلة غريبة

ما بين ضحكة و دمعة سكيبة

رأيت في شعري اول شيبة

و يقول لها نصطاد النجماية بغنايا ...تخيل المنظر الحلو لما تعالي صوتك يلمس السما و يخطف لك نجمة تونسك و تهديها لحبيبتك

رابط اغنية نساية

10 خوي خوي

الاغنية الحلوة اللي سهلت علي قطع الصحراء الافريقية من القاهرة الي الدار البيضاء ...او تعرف علي المغرب كان من خلال الاذا الداخلية للطيران المغربي ... الغنوة الحلوة دي سمعتها تقريبا بتاع 4 ساعات من طيران مدته 6 و شوية ...

تسمع الست لطيفة رأفت تقلب لك شوية موازين كدة ...اولا يا سلام علي الاعتزاز بالثقافة المحلية ..تلك الجميلة مردية القفطان المغربي الرائع الاناقة و الكلئ بالفنون و التفاصيل ، و اعتزازها بالدارجة المغربية و هي بتغني اغاني تراثية اهلتها للقب سلطانة اللقب المغربية

حالة الاغنية بقي بنت عزيزة بتطلب ود حبيبها ...و زي ما اي بنت مغربية تكلم رجل مغربي في مجال عام تخاطبه بخوي

و تبثه اشواقها و تقول

تصرف كيف ما بغيت

غالي عليا و عزيز

و تسرد طلباتها البسيطة

سل علي ..و فكر فيا و لا تنساني

و بين كل مقطع و مقطع تتودد بالخطاب "الرسمي "المفتعل تماما و تقول له خوي خوي

اخوي عاملني من احبابك

انا جيت قاصدة بابك

لا تخيبني

رقة كدة مختلطة بعزة علي وله علي رجاء علي عذوبة ...خلطة كدة تنقلني علي طول لساحة جامع الفنا ... المدينة الوحيدة اللي زرتها في المغرب مراكش ...قديمة و بسيطة و لها رونق و عبق و اناقة و وقار لا تخطأه الانفس

رابط خوي خوي

ان شاء الله ما تبقاش اخر تدوينة عن المزيكا الحلوة في الايام الغبرة دي

و اهداء التدوينة دي للرباعي التونسي العظيم فرحتوني بنساية و خصوصا فريال لانها هي اللي اختارتها

اهداء لفراولة و اية و كريمة و امنة....توحشتكم برشا

فناني مشروع النيل

مش ها اعيد و ازيد في اللي كلنا فيه من اكتئاب و ترقب و قلق و زهق و قلة حيلة و هدة حيل و احساسيس سلبية كتير بتجتاح حياتنا

بس برضه ربنا رحيم ، بيرزقنا باستراحات في الطريق نشحن فيها طاقة و سعادة و قدرة ، و نستعين بها علي مشوايرنا المكلكعة

انا كنت محظوظة اني احضر حفلة مشروع النيلفي القاهرة السنة دي .... الفكرة تتلخص في ان مصري مغترب حضر حفل اثيوبي

في اقاصي غرب العالم في سان فرانسيسكو ...اخر خريطة الارض شمال ....و انه في مصر اللي هي جارة اثيوبيا لزم ، ما سمعش المزيكا دي ...دة غير انه الحمد لله ادرك ان الفن و الثقافة بيأثروا علي تعاطي الشعوب و استيعابهم لبعض و بيشكل ديناميكيات علاقات الشعوب و الحكومات فيما بعد ...و طبعا مش محتاجة اقول لكم علاقاتنا بافريقيا سيئة ازاي و ان ما لناش تواجد اقليمي تقريبا و ان عضويتنا اتجمدت في الاتحاد الافريقيو اننا فقدنا كتير من التراكم اللي كنا حققناه في مرحلة الاستقلال ... و ان جهاز الخارجية المصري فشل فشل ذريع في الحفاظ علي موقع مصر في افريقيا ... و دة بيظهر في تجليات كتير من اول اننا ما حضرناش توقيع اتفاقيات السلام بين المتنازعين في السودان اللي هما جار حدودي و خط اول ...و ما بين ان دورنا راح لصالح اطراف اخري في القارة غير طبعا ان علاقات اسرائيل بقيت عظيمة مع الدول الافريقية ...مع اني مش باحب اداء الفزاعات ..... و طبعا يعني كفاية منظرنا ساعة اقتراح توسيع مجلس الامن و احنا مش لاقين حد يدعمنا غير فضيحة سد النهضة و علاقتنا المتردية باثيوبيا و دة طبعا لاننا شايفين افريقيا كأس امم افريقيا و انهم سود و توصيفات يعف لساني عن ذكرها

المهم ، الحفلة بقي ، انا رايحة و انا مقررة ادخل في فضائي المخمليو انبسط ...بس ليه يعني و ازاي ما ينفعش ، غير ان الحفلة ابتدت متأخر ، و غير ان مع تقديم الفنانين اول ما اتقال اسم عازف السمسمية المصري اللي من بورسعيد تعالت الاصوات ...بكل انواع السباب لانه من المدينة الملعونة اللي بتتجلد جلد جماعي عشان مجرمين و هما قلة منها قتلوا ابرياء في مذبحة بورسعيد ...بس ازاي ما نتعنصرش علي بعض و نصدر طاقات كراهية ...المهم نحاول نحافظ علي طاقتنا الايجابية... و نسكت حتي حين الكتابة

الفنانة السودانية السارة

شاء القدر ان كل اللي معايا يا نوبيين يا سودانيين و 3 بس كانوا مواطنين مصريين من مناطق اخري ......بس فعملنا منطقة سوداء محررة ( شوية عنصرية مضادة من نفسي :) ) و دة كان واضح جدا في تفاعلنا مع المزيكا ...بداية بالسارة ...اللي ابدعت و غنت قرب لياو طبعا السارة مبهرة ازاي بتغني بقوة و شغف و بسلاسة شديدة و تحس انها مش بتبذل اي مجهود ... عجبني اوي لما ركزت علي جملة "اكسر سدك و اطلع عليه "طبعا لاني كائن مسيس فسرت دة ان دة اعتراض علي اقامة سدي كجبار و دال في السوداناللي ها يأدوا الي اغراق ما تبقي من النوبة التاريخية ، مغرقين الكثير من التراث الانساني المتمثل في اثار حضارة مروي في السودان ، احد مراحل الحضارة الكوشية

لا انكر اني قفشت علي السارة من العشم انها ما غنيتش حاجة بالرطان النوبي ...هي اصلا بتقولنوبة نوتو ... اللي تعتبر اهم نشيد حب للنوبة نتغني به ... السارة بتقوله حلو اوي و برضه ما غنيتش معشوقتي واد النوبة ..علي اي حال حفلة مجمعة و الفرص قليلة

الفنانة الاثيوبية سليمانيش زيمينا صورة لايكيو تراي

بعد السارة كانت الفنانة الاثيوبية سليمانش زيمينا ...دي بقي عظمة ...عرض لوحدها ..من اول الفستان اللي عليه الصليب الاثيوبي الشهير ... لغاية رقصها مع الاغاني اللي هو مدهش و رقيق و فيه عنفوان لغاية صوتها اللي يغزو اذانك و تضطر تبتسم و تنبسط و تتطرب من اغانيها ... اللي بسطني اوي لاني تقريبا اتهبلت بتحليل المضمون السياسي للاغاني ..لما زغردت في اخر اغنيتها الاولي و قالت حبش حبش حبش ... انا تنحت طبعا ...ايه يا اخي العزة دي ...و مش خايفة مثلا في الظروف المتكهربة من البلدين ..و بعدين تفكيري الشرير سرح و قلت امتي حد يطلع علي مسرح مصري في حفلة كبيرة و يردد بثقة "نوبة مالي سلام " يا نوبة لك كل السلام ... (و ما حدش يقول لي انفصال و هردبيز ...الناس مقطعة نفسها غني لاسكندرية و ما حدش قال لها انفصال ) و نردد وراه و لا وراها ...اهي احلام

الفنان البورندي ستيفن سوجو ...يداعب الته ..صورة لايكو تراي

و طبعا اللي اسرني و فتنني هو الفنان البورندي ستيفن سوجو ...يعني لطافة علي حضور علي رقة علي ود غير مفتعل علي تمكن من العزف عدة الات محلية جدا و يقف يشرح الات و اسمها و يصر انك تنطقها و تنطقها صح و يحفظك غنوته و ينبسط انك تردد معاه ...نقلنا كدة لفضاءات رحبة و مزيكا حلوة و شجية و لما شفته عن قرب في حلقة البرنامج مع بسام يوسف ...تعبيرات وشه و هو بيغني ..حتي و انا مش فاهمة اي حرف من اللي بيقوله تنقل لك طوفان مشاعر .بالنسبة لي هو المكسب من الحفلة دي ... لاني عارفة السارة من زمان .. ارجوندية برضه ..بت عمنا

الفنانة الكينية كسيفا مواتوا صورة لايكو تراي

و العازفين طبعا حكاية لوحدهم و خصوصا كسيفا مواتوا ... دق البركاشين اللي ما تقدرش تتعامل معاه الا انك تطلق العنان لجسمك
يعبر عن انسجامه مع المزيكا ... و طبعا انا مجنونة اغطية رأس افريقية و هي عاملة احلي لفة كينية ..لاحلي عازفة بركاشن في الدنيا

الفنانة المصرية دينا الوديدي

بعدين الوفد المصري دينا الوديدي و محمد محسن و احمد بحر ... مش عارفة لسبب او لاخر كانوا الاقل تأثيرا فيا ... مش عارفة اوقات كتير كنت حاسة ان في ازمة في الساوند سيستم ... او في اختيار الاغنية ... هي مصرية جدا و معبرة ... بس مش عارفة ...في حاجات مصرية فيها نزعة افريقية ...غالبا انا ما كنتش عاوزة اسمع شرقي ...و مستمتعة بواحتي السوداء... و تسائلت برضه ليها السارة و بحر ما غنوش نوبي ... سؤال وجودي

في طبعا منغصات بقي في سكة ...الكثير من العنصرية و الحركات المقرفة ...زي تقليد الهنود الحمر ... او اشارات بذيئة لستيفن و هو بيتودد بلطف للجمهور و بشرح لهم الاته و تصوير للحضور اللي بيرقصوا دون موقفتهم ...اللي هو عادي بيحصل ...بس المرة دي لما اتعرضت له حسيت اني "السودة اللي شبههم اللي بترقص معاهم ..."و طبقا قفشت فيهم و تعاملت مع الموقف

رغم اي حاجة و بعد كل حاجة ...حسيت بسعادة افتقدتها من عهود ...حسيت انه مكاني و ان في صلات كتير ربطاني بالناس دي و اسعد لحظاتي لما ستيفن ذكر اسم كل دولة في حوض النيل و قال سلام و لا اخفيكم سرا انه لم قال نوبة سلام ...نزلت علي قلبي بردا و سلاما ...في ناس لسة عارفة الحكاية

يا اخي من اللي اخترع الحدود و الكيانات السياسية و الجنسيات دة ...عايز يتلعن ليوم الدين

عنوان التدوينة مقتبس من اغنية السارة قرب ليا ... و اغلب الصور بكاميرا ايكو تراي و حصلت عليها من صفحة مشروع النيل

بادئ ذي بدء علينا ان نقر واقع ان حياتنا في مصر اضحت سلسلة لا تنتهي من الازمات ، مع غياب تام لاي اسلوب استباق ازمات او تعاطي و ادارة للازمة . اقضي يومي في تصفح لاحوال ازمة المرور و تفاقم ازمة ارتفاع الاسعار و ازمة البيئة و ازمة الطاقة ...وعند ازمة الطاقة لنا وقفة. اثارت ازمة الطاقة جدلا عنيفا بين مؤيد و معارض لحلول بديلة للطاقة مثل الفحم و انتشر وسم #اوقفوا_الفحم، معبرا عن قطاعات تدرك ثمن الفرصة الضائعة و ان كل قرار له تبعات يصعب علينا التنصل منها ، لمعلومات اكثر ، اضغط هنا . و في خلال متابعتي لازمة الفحم، لخطر ببالي تكلفة الفحم مقارنة بالبدائل الاخري ، اضرار الفحم ، توفره في البيئة المصرية من عدمه. اسئلة تدور في دائرة التكلفة و تبعات استخدامه و لم تخطر بمخيلتي اطلاقا ان نارا اخري يمكن ان يشعلها الفحم ... الا و هي نيران العنصرية المقيتة

خرجت علينا الرسامة فاطمة حسنفي كاريكاتيرها موضحا زوج يتمتم مستاءا و غاضبا من "شوال الفحم" كناية عن زوجته السوداء. تلك السوداء شوال الفحم !!!!اي رسالة توصلها للمتلقي فاطمة حسن؟؟ تحقير لون من الوان البشر؟؟ عنصرية ضد فئة من فئات المجتمع المصري؟؟ نشر صور نمطية عن الجمال؟؟ خطاب كراهية ضد مواطنين؟؟ازدراء لخلق الله؟؟ هل تشجع علي حرق

شوال الفحم البشري الاسود ؟؟!! اسئلة لا يجيب عليها الا عقل كل متلقي علي حدة طبقا لمستوي تسامحه مع الاخر

اعييتني الحيل و لم اجد بد من ان اصرخ غاضبة اوقفوا العنصرية. علينا اذا اردنا الا نقع في مستنقعات اعمق من الكراهية و اللانسانية.

اذا اردنا النجاة من مرض عضال يسكن جسد وطننا ، علينا ان نعترف به . التمييز المنهجي ضد فئة ما بسبب اللون او الجنس او العرق او الدين او المعتقد او المنشأ الجغرافي عنصرية. العنصرية تبدأ حين يتحلق الصغار حولي في الشارع صارخين : "يا شيكابالا ..يا شوكلاتة ...يا كوراشي ...يا عثمانة ...يا برابرة"انتهاءا بمنع بقرار من الدولة بمنع حق مواطن ما بسبب لونه او عرقه

الافراد تمارس العنصرية و المؤسسات الغير الحكومية مثل الشركات تمارس عنصرية و الحكومة بهيئاتها المتعددة تمارس عنصرية و الاعلام يمارس عنصرية. اذا كان البعض يدعي ترويج امثال شعبية تحقيرية مثل :"حبيبك اللي تحبه و لو كان عبد نوبي"او حين تنشر جريدة :"مطلوب سائق نوبي امين"فعلا غير عنصري، فتلك ازمة وعي تجتاج الي التصحيح.

علينا ان نعي ان كل سياق يخلق عنصريته، العنصرية ليست الابارتهيد و العنصرية ليست نضال الافارقة الامريكيين لنيل حقوقهم المدنية الذي لم ينتهي بعد. العنصرية في مصر موجود في كل فيلم يسخر من كل ذي بشرة سوداء علي انه اقل تعليما او اقل رقيا او اكثر عنفا او اكثر قبحا او افقر او يمتهن مهنا "حقيرة" _و كأن اي عمل شريف حقير!!!!!_ او مثار للفكاهة و الضحك

عانينا و نعاني و سنعاني من نير العنصرية في مصر و اكثر ما يؤذي استساغة الاخرين لها، كيف لادمي ان يعتبر العنصرية "قلة ذوق"او "جلياطة "او "جهل"او "حساسية زيادة مني "او "قلة ادب" . يا سادة العنصرية جريمة و نشر لخطابات كراهية و حث علي

التمييز و التمييز مجرم في القانون المصري و تمت دسترته في دستور 2014 و تنص المادة 53 علي التالي

المواطنون لدى القانون سواء، وهم متساوون فى الحقوق والحريات والواجبات العامة، لا تمييز بينهم بسبب الدين، أو

العقيدة، أو الجنس، أو الأصل، أو العرق، أو اللون، أو اللغة، أو الإعاقة، أو المستوى الاجتماعى، أو الانتماء ...

التمييز فعل مجرم قانونا و ما صدر عن الرسامة فاطمة حسن يقع تحت طائلة القانون و هو خرق للقانون الوطني و عليه و هي كفرد ذات اهلية تحاسب علي ما يصدر منها من افعال و الاعتذار لا يعفيها من تحمل تبعات ما صدر منها. و استكمالا لدائرة الغضب التي لا تنتهي حين استشعرت الرسامة ردة الفعل الغاضبة التي نتجت عن رسمها الفج، حذفت الرسم من صفحتها علي الفيس بوك و كأن ذلك يمحي اثر ما احدثته من ضرر.

و نشرت الاعتذار التالي

قائلة :

أنا بعتذر ياجماعة عن كاريكاتير الفحم اللى رسمتة .. الموضوع مش عنصرية ولا حاجة . طب ماأنا سمرة. وبعدين أنا لسة فى بداية الطريق مش فنانة كبيرة ولا حاجة وطبيعى أنى اغلط وتصلحولى غلطى من غير تجريح. وبعدين أنا أبسط من كل الكلام الكبير اللى اتقال عليا. أنا صعيدية وجادعة وبحب السمر وكل عيلتى سمرا. وكان مجرد كاريكاتير من حيث المرح والفكاهة. لكن عندكو إ حق. أنا بجد أسفة وشكرا لكل من حاول يوجهنى ويعرفنى غلطى وهحاول اكون عند حسن ظنكم. فاطمة حسن

قالت "مش عنصرية و لا حاجة " ..هذا جوهر العنصرية التحقير من فرد لصفة اصيلة فيه.... و استفاضت "طبيعي اغلط "ليس من الطبيعي الاساءة للاخرين، و ما قمته ليس خطأ بل نشر وو ترسيخ لصور مسئية ضد ذوي البشرة السوداء. ثم "كاريكاتير من حيث المرح و الفكاهة"اضحكي علي البشر و حقريهم و اسيئي لهم ، طالما افلت غيرك بفعلتهم . اي مزاح في المزاح علي لون او شكل او

عرق . اي فكاهة في التقليل من شأن فئة ما

ليس لي حيلة الا حروفي ...ليس لي حيلة الا محاولة البحث عن طريق قانوني لمقاضاة الرسامة و من نشر رسمها ... اتمني ان ننجح في الوصول الي حكم يشكل سند قانوني و يثير حوار مجتمعي ، ينكأ هذا الجرح الذي يفيض بالقيح

سئمت كل هذه الترهات ...سئمت التبرير للعنصريين ...سئمت التقليل من الضرر الذي يصيبني و يصيب غيري...سئمت من حواراتي مع صغار العائلة التي احاول اقنعهم انهم شديدي الحسن و ان كونهم ذوي بشرة سوداء لا يقلل من جمالهم ...سئمت العبارات السخيفة... سئمت الصمت علي امتهاني انا و غيري يوما بعد يوم ...سئمت عجزي و قلة حيلتي ...سئمت افلات هولاء المجرمين بجريمتهم ...سئمت كل شئ ... انه الالم الذي لا ينتهي ...تعرف علي يومياتي كمصرية سوداء

املأوا ارض كرها و حقدا و تحقيرا...انشدوا انكم شعبا متدين و تناسوا ان اختلاف الالوان و الالسنة اية من ايات الله في خلقه ...حقروا و اهينوا ...الكراهية تنتج كراهية .. دائرة السوء تبدأ باستساغة الاهانة و تدور و علي الباغي تدور الدوائر

الارض واحدة و الشجر الوان .. الاختلاف ثراء و ليس وصمة عار ..

تحديث
رسم الفحم لفاطمة حسن ليس زلة او خطأ غير مقصود ، قام الصديقاسلام صالحينبمتاعبعة اعمالها و اكتشف انها دأبت علي الاشارة الي اللون الاسود او الداكن انه اقل شأنا و تستخدم كاسلوب فج في اثارة "المرح"كما تتوهم. هذه الرسوم تشير الي تجذر فكر عنصري لدي فاطمة حسن و يجب ان تحاسب علي خرقها المتكرر للقانون و لما احدثته من ضرر للكثير المواطنين

و قد استدركت جريدة الاخبار و لم تورد حتي اعتذار.طالع"الاستدراك"و نصه كالتالي

نشرت جريده اخبار الحوادث في العدد الماضى بتاريخ 24 / 4 /2014 كاريكاتير للزميله فاطمه حسن فى الصفحه رقم "7"عن ازمه الطاقه وكان هناك زوج يجلس بجوار زوجته ويفكر فى ازمه الطاقه و فى اطار الكوميديا الساخره كانت زوجته تجلس بجواره ولون بشرتها سمراء .. الا ان البعض قد تفهم الكاريكاتير بصوره خاطئه .. وتود "اخبار الحوادث"ان تنوه ان الكاريكاتير لا يمت باى شكل من الاشكال الى التعرض لاى من ابناء الوطن الواحد فى كل ربوع الوطن وان فن "الكاريكاتير"هو فن راقى لا يهدف الى الاساءة لآى من ابناء الوطن بكل ربوعه وننوه بان جريده "اخبار الحوادث"وكل العاملين بها يعشقون تراب الوطن وعلى راسهم اهل النوبه العريقه بوابه مصر الجنوبيه وتكن لهم كل الاحترام والتقدير مثلهم مثل اى مواطن يعيش على ارض وطننا الحبيب لذا لزم التنويه

لا يوجد اشارة الي اعتذار كما تقتضي قواعد النشر ... بل تنويه و حسب.... و ترسخ الجريدة منطق الرسامة ان ما تم "في اطار الكوميدياالساخرة"التي يجب ان تتقيد بقواعد و قوانين و اعراف مجتمعية و اخلاقية ان وجدت
و تذكر الجريدة "الا البعض قد تقهم الكاريكاتير بصورة خاطئة "رجاءا انشر الفجاجة و مع قواعد التعامل معها.

ها تفضل كل ذكرياتنا الام و كل التواريخ اللي بنعلم عليها في اجندتنا تواريخ وجع و شتات

زي النهاردة من 50 سنة .زي النهاردة ابتدي الفصل الاخير من تاريخ التهجير القسري للنوبيين . زي النهاردة عبد الناصر ضغط علي زرار و غير به مجري النيل و غير به مصير جماعة بشرية للابد . زي النهاردة افتتح عبد الناصر و خرتشوف اعمال اقامة السد العالي . السد العالي اللي يمكن يكون مشروع تنموي كبير، الا انه اتبني علي رفات الجدود ودمر احلام اجيال متعاقبة من النوبيين

قد يجهل البعض تاريخ معاناة النوبيين مع التهجير القسري اللي ابتدي مع بداية القرن العشرين في 1902 مع بناء خزان اسوان و 1912 مع التعلية الاولي للخزان و 1932 مع التعلية الثانية للخزان و اخيرا التهجير الاصعب في 1964 اللي انهي وجود النوبة التاريخية و حولها الي جزء من ذاكرة البشرية . تكرار التهجير و فشل الدولة في ترقب احتياجها لتطوير مشاريع التنمية و استساغتها

للعب بمستقبل البشر و عدم وجود تخطيط واضح يقي البشر معاناة لا تنقطع منذ ما يزيد عن قرن.

دوما مهاجرات

مهم اننا نوضح ان التهجيرات اللي تمت في عصر الملكية ، رفعت الدولة يدها تماما عن تولي اي مسئولية ، حتي وصل بها الامر انها اغلقت هويس المياه دون ان تبلغ "المواطنين"النوبيين، و كان النوبيين بيصحوا يلقوا بيوتهم غرقانة و بيتولوا التعامل مع الغرق وحيدين دون اي دعم من الحكومة .

دة اتغير مع حكومة الجمهعورية اللي اخبرت النوبيين بمواعيد التهجير و تولت نقلهم في صنادل "نقل حيوانات"و تحت "القوة الجبرية"و توالت وعود الحكومة ان ارض التهجير في وادي كوم امبو ها تكون مكان يصلح للسكن و بيوته جاهزة و تفاصيل كتير عن حياة ادمية و للاسف ما ان رست اول وفود النوبيين الي وادي كوم امبو اللي بيسموه اهل اسوان بوادي الموت ... لقي النوبيين الموت بيخيم علي المكان و بسبب التغير في البيئة و عدم مناسبة البيوت للطقس، فقد النوبيين جيلين كاملين من الصغار و كبار السن ، اللي اجسامهم لم تتحمل اختلاف الظروف المعيشية. ,و لغاية دلوقتي مقبرة الحضانة في قرية بلانة شاهدة علي احلام اطفال اجهضت صغيرة بسبب فشل تخطيط الدولة.

التهجيرمش مشكلته في الانتقال الجسدي من مكان لمكان و بس و التهجير بينزع جماعة بشرية شديدة التفرد لاختلافها عرقيا و ثقافيا . التهجيربيغير معطيات البيئة و بيغير طرق اكتساب البشر لرزقهم و دة بيؤثر عليهم اقتصاديا، التهجيربيجبر المهاجرين انهم يتعاطوا مع مفاهيم مختلفة عنهم و بتغير في ثقافتهم و سلوكهم ، التهجيربيجعل المهاجرين عرضة للعنصرية ، التهجيربيهدد الحياة الاقتصادية للمهاجرين و بيخسروا كل ما يملكوا و بيقوا عرضة للافقار بسبب بعدهم عن المهن اللي بيجيدوها ، التهجيربيأثر علي نقل ثقافة و تراث و لغة الجماعة المهجرة لانه بيجبروا علي التعاطي بلغة تانية و التعامل مع ثقافات تانية

اغراق

التهجير القسري للنوبيين شابه مشاكل كتير من اول عدم اشراك النوبيين في عملية اتخاذ القرار ، حيث اكتفت الدولة بموافقتهم علي الخطط الحكومية ، و نقل النوبيين في موسم حصاد المحصود الاقتصادي الاول و هو البلح ، دون تمكين النوبيين من حصاد محاصيلهم و دة كان فيه خسارة كبيرة للنوبيين ، الي جانب مغالطات شديدة في حسابات بيوت المغتربين من التهجيرات السابقة و الفساد و التواطؤ بين بعض القيادات و العمد مع الحكومة لاحتساب بيوت اقل و تعويضات اقل.

التهجير تحيط به الكثير و الكثير من علامات الاستفهام من اول دعم عبد الناصر لانقلاب عبود اللي يسر له تهجير نوبيي السودان ، و ملفات كتير تانية غير متاحة للاطلاع لانها سرية ، زي اقوال بتقول انه من المفروض بناء سدود صغيرة علي الجنادل و ساعتها كان من الممكن ان النوبيين يفضلوا في بيئتهم الطبيعية و يصعدوا لاخر مستوي للماء ، الكلام دة بيتناقل ، بس صحته غير مؤكدة

تهجير النوبيين في 1964 كان مؤشر لتعامل الدولة الوليدة مع مواطنيها ، لما الدولة و معاها العالم بيمثله اليونسكو استنفروا لحمايةالتاريخ الحجري للنوبة و بالفعل اقامت اليونسكو حملة دولية لحماية اثار النوبة و نقلت معبد رمسيس التاني المبين صورته بالاعلي . خدت مصر خطوات في نقل المعابد لدول اوربية و امريكا "محاولة انقاذ"للتراث الحضاري، مش عارفة بقي ساعتها ما فكروش في التراث غير الملموس اللي هو عادات النوبيين و تقاليدهم و ارتباطهم بالمكان و الهام المكان لهم .

للاسفالحجر كان اهم من البشر

معبد دابود موجود في اسبانيا الان

التهجير ما اثرش بس علي الجيل اللي عاشوا و لا علي اللي اتنقلوا جسديا و عاشوا في كوم امبو ... كل ابناء النوبة باجيالهم المتعاقبة و اماكنهم المختلفة اتكووا بنيران الاجتثاث من ارض الجدود .

نعاني من خطر فقدان اللغة

نعاني من خطر الافقار

نعاني من خطر فقد التراث

نعاني من خطر فقد اللغة

نعاني من العنصرية

نعاني من خطر ذوبان الهوية

نعاني من ضياع حقوق اقتصادية و ثقافية و اجتماعية

صعب عليا اوي ان الوطن يحتفل بالسد ، ذلك الجماد المصمت بينما البشر اللي ضحوا بوطنهم و ممتلكاتهم و امانهم. صعب اوي ان الحكومة تستدعي الروس لاحتفاء بذكري السد . بينما النوبيين منسيين .لو الروس قدموا المعرفة .

قدم النوبيين اغلي شئ : الوطن

نوبة مالي سلام . تسلمي يا نوبة . اسلمي يا نوبة تحت المياه . اغرقتي فداء للملايين . ستبقي حية مع حياة ابنائكم. نحملك في قلوبنا اينما ذهبنا.

ابدا لن ننسي

اهداء كل جد و جدة رفاتهم تحت النيل. اهداء لكل من انتزعوا من ارضهم و عاشوا في تغريبة

بقي لي كتير بافكر اكتب عن اكثر حاجة بتأرقني . رغم ان حياتي مليانة بسخافات و دنيتي ماشية خلف خلاف بس نوبات الغضب المحموحة تبقي اكثر شئ بيزعجني

مرة صديق قال لي غضبك مش رد فعل لشئ مستفز ، غضبك متراكم جواكي لاسباب انتي اللي تعرفيها . دة ممكن يكون تحليل صحيح بس حتي الايام اللي المفروض اكون فيها بلا هموم و في احسن حالاتي ، بيتسلل الغضب في دمي و تنفجر براكين من الصراخ مش باشعر بحدتي فيها ، الا لما بتنبهني الطبيعة و تنفر عروق دماغي معلنة ان غضبي بلغ مداه و رعشات ايدي اللي بتنوه علي توتري الكبير

خوفي من الغضب انه ساعات كتير بيتوجه للشخصيات الغلط و انا معترفة اني باجرح الناس و انا غضبانة و دة بيدفعني لكثير من الندم و محاولات يائسة من الاعتذار ، بس الندم مش بيفرقني حتي رغم انتهاء الموقف، مرة قالت لي زميلة الاقوياء ممكن يتحملوا غضبك ، لكن الضعفاء لن يتحملوا و ها تجرحيهم

مش بس الندم و الغضب هما مشكلتي ، مشكلة تانية لما يفلت زمام الغضب و انا باشتغل ، بيقلل كتير من مهنيتي و يقلل من تقييمي لنفسي و تقييم الاخرين ليا بسبب فلتان اعصابي

باكره لما اتعصب و اتعامل مع حد انه مخدة رمل ، سواء عملت دة بشكل واعي او غير واعي ، بس باكره نفسي لاني باؤذي الناس بسبب يوم عسر قابلته او بسبب ضغط اتعرضت له ، اصعب شئ بيتعبني ان الناس تتحمل لانها بتحبني و ساعات حتي ما تعاتبش من كتر ما اتألمت

و يبقي اسوأ ذكرياتي عن غضبي ، لما كنت ها اودي نفسي و صديق في داهية بسبب غضب غير محسوب ، ساعتها ما سمعتش كل النصايح او الاوامر بالتزام الهدوء و ما كنتش شافية عواقب الغضب اللي كاد يتسبب في القبض عليا و ايذاء صديق

المشكلة اني باحس ان تعبير بركان حقيقي ، بتفضل اسباب توترني و تتجمع بدايات الغضب بصمت و باختار بشكل غير واعي نقطة انفجر فيها بدون ما اشوف لا رد فعل الكائن المسكين اللي استهدفه الغضب و لا باشوف نفسي في اقبح صورها

بازعل من نفسي ان رغم قراءتي و حفظي لتعليمات ادارة الغضب الا انها ما تنفعش لما شياطيني بتظهر ... نفسي الاقي حل او تدريب فعال يقلل نوبات غضبي او يخليني اتعامل مع غضبي بشكل اكفأ

يبدو ان بعض القضايا لا تبطل و يستمر الجدل حولها الي ما لا نهاية و من هذه الموضوعات موضوع الحجاب سواء فرضه او رفضه . لقد انتشرت مؤخرا دعوات تزعمها شريف الشوباشي لمظاهرات لخلع الحجابمدعيا انها ستؤدي الي التقدم و مؤكدا ان فتيات و نساء مصر تعرضن للارهاب و الضغوط لارتداء الحجاب و قد قوبلت باستنكار واسع علي وسائل التواصل الالكتروني ، و قد تقدم بطلب اذن للتظاهر في ميدان التحرير في اول مايو ، هذه الدعوات ما هي الا رد فعل او وجه اخر لعملة فرض الحجاب قسرا . فقد اكدت المؤسسة الاسلامية الرسمية في خطاب احد زعمائها و هو المفتي علي جمعة علي فرضية الحجاب و انه احد تعاليم الاسلام المؤكدة ، كذلك اكدت المؤسسة الاسلامية الازهر رأيها في فرضية الحجاب في رفضها لرسالة الدكتوراة المقدمة من الباحث مصطفي محمد راشد التي تذهب الي ان الحجاب عادة و ليس فرض دينيا و قد قام الازهر بنفي منح هذا الباحث الدرجة العلمية و اكد انه بالمرصاد للافكار المنحرفة.

في ظل هذا الاستقطاب ، اجد نفسي في وسط دعاوي تنكر علي المرأة استقلاليتها و تتعامل معها ككم مهمل ، تغدق عليها بنعيم الثواب او تتعالي عليها و تتهمها بالتخلف و الرجعية . ما يحدث في مصر من تراشق علي موضوع الحجاب يذكرني بما جري في ايران من منع للحجاب في محاولة لمحاكاة الغرب في عهد رضا بهلوي في عام 1936 و فرض الحجاب في بداية عهد الثورة الاسلامية في تاريخ مميز يسبق اليوم العالمي للمرأة في عام 1979. و علي اثر هذا القرار خرجت مظاهرات غاضبة من القرار الذي فرض الحجاب قسرا علي الايرانيات . علي الرغم ان مصر لم تستخدم التقنبن التشريعي في فرض او منع الحجاب الا ان الااليات المجتمعية ما زالت تضغط علي النساء في الاتجاهين رفضه او فرضه

ما يجري في مصر من استقطاب لا يضع في حسابات ارادة النساء و لا يحترم خياراتها و يتعامل معها علي انها حاملة الدين و المدافعة عنها او انها حاملة شعلة الحداثة . يصعب علي اي نسوية تقبل هذا الجدل الدائر . فالحجاب يجب ان يكون خيار فردي قائم علي قناعة سواء قبلت بالحجاب او رفضته . ان تكالب القوي المجتمعية علي وضع النساء في قوالب جامدة سابقة التجهيز لا تراعي فرديتها او حريتها و تتناول موضوعات تخصها دون ان تدرجها حتي في المعادلة

ليس بحجاب النساء او سفورهن تحل العفة او تتحرر النساء ، بل عندما تتخذ النساء قراراتها الشخصية في بيئة لا تحاسبها و تنصب لها المحاكمات و تحقرها

بتجتاحني اسئلة كتير عن حياتي في الفترة دي ، انا حاسة انها بسبب اني بقيت عندي 33 سنة و عمري تقريبا انتصف و بقيت في اخر النصف الاول و حياتي اتشكلت و اهتماماتي و قراراتي الاساسية بقيت واضحة و دفعت حتي الان نتيجة القرارات اللي اخدتها و كنت متصالحة الي حد ما مع دة

لا انكر اني دلوقتي كان نفسي ابدأ بدايات غير البدايات او ابقي علي مسلمات معينة و مسلمات تانية الغيها من قاموسي سواء الشغل او العلاقات .باسأل نفسي النهايات اللي وصلتها او بالاحري وضعي الحالي يتناسب مع البدايات و لا اسوأ . للاسف انا حاسة اني حياتي رتيبة فقدت نص دايرة معارفي او اكثر و خرجت من دواير كتير كنت باعتمد عليها في علاقاتي و فقدت الشغف لحاجات كتير اغلب هواياتي توقفت عنها، باقوم كل الصبح و علي يقين انه شبه اللي قبله و شبه اللي بعده

اكتر مخوفني هو خوفي من الفقد فقد الشغل او فقد حد من المقربين ، مش حاسة اني ها استحمل فقد تاني في حياتي ، كما الغريب اني مش متحمس اخش في علاقات لان تجاربي السابقة كانت غير مرضية و مؤلمة و بصراحة عايزة اوفر علي نفسي سقطة اخري و الم جديد، انا عارفة اني باقفل الابواب علي نفسي بس كمان محتاج شئ قوي يقنعني بالامان للدخول في تجربة

مشاعري واضح لكم انها ملخبطة في البوست دة بس دي حالتي خوف و فقد شغف و توجس

مش عارفة حتي فعلا مصطلح منتصف العمر دة ينطبق عليا و لا لا بس اللي متأكدة منه اني مش مبسوطة الايام دي و بادور علي اي مصدر بهجة مؤقتة يسعدني ، اشتريت كتاب تلوين و بدأت قراءة كتاب عن الاصولية عارفة اني ها اتعلم منه كتير ,قعدة

اصحاب حلوة

كتير بالقي نفسي باقيم حياتي شغلي علاقاتي و اقول انا ماشية علي خط سليم و لا لا ، التقييم في حد ذاته مجهد و يتطلب صدق مع النفس و عدم جلد الذات اللي عادة ما بيحصل

نفسي ارجع لايام كانت مبهجة و ابطل قلق و خوف و يرجع شغفي اللي افتقدته

اتعودت اكتب عن نظرة و ان انها الحلم اللي اتحول لمكان عمل و انها شهدت تطوراتي الشخصية و المهنية و شهدت اهم

علاقاتي سواء زمالة العمل او الصداقة ...عمري ما فكرت اني في يوم من الايام ها اكتب عن نظرة غير عن مشاريعها الجديدة او خطابها النسوي المستنير و طرحها لرؤي و خطاب بديل في الحركة النسوية المصرية او تبني للنسويات الشابات و المدافعات عن حقوق النساء و حقوق الانسان

انهاردة باكتب عن نظرة في لحظة فاصلة و شديدة الحرج و هي تعرض نظرة لضغط حكومي لم نعهده رغم التضييق المستمر اللي اعتدنا عليه... انهاردة 3 من فريق عمل نظرة بيتعرضوا للاستجواب امام القاضي في القضيةالمعروفة اعلاميا بقضية التمويل الاجنبيو اللي بتشمل منظمات حقوقية كتيرة و ما هي الا ضربة موجعة من النظام ضد الحركة الحقوقية لاسكاتها عن فضح فظائع النظام و انتهاكاته لحقوق الانسان في مصر

ممكن تكونوا اتعودوا مني علي الكتابة عن تجاربي في البلوج دة ، بس تبقي نظرة و شخوصها من اكثر التجارب ثراء في حياتي و كل شخوصها اللي مروا عليا في فترة لا تقل عن 8 سنوات بترتيب و تتابع دخولهم في حياتي ، علمني كتير اوي سواء بالطريقة السهلة او التعلم الصعب بالتجربة و الخطأ

نظرة ابتدت من فكرة راودت مؤسستها مزن حسن قبل سنة 2006 من خلال عملها في عدة منظمات حقوقية ، لانها لاحظت ان الحركة النسوية في مصر مش رحبة الصدر للنسويات الشابات و انا بتفرض عليهن ادوار محددة قليلة و لا تسمح لهن بالترقي و لا التطور ، كمان لاحظت ان الحركة النسوية غير متنوعة ، فهي تتمحور حول انتماءات عقيدية محددة و لا تقبل المختلفات و من هنا لقيت مساحة رحبة في نظرة اني اتواجد برغم من انتمائي لمدرسة نسوية مش منتشرة في مصر و هي النسوية الاسلامية ، مزن و باقي مؤسسي نظرة اتاحوا لي فرصة اعبر عن ارائي و ساعدوني في مراحل تطوري المختلفة و كانوا بيرحبوا بانتاجي القليل و بيتيحوا ليا منصة لنشر افكاري في مناخ عام لم يعتاد مثل هذه الافكار و كان بيقبلها علي استحياء

اتسجلت نظرة في اخر ايام 2006 و بقيت كيان رسمي و كانت مبادئه و انحيازاته واضحة من البداية و هي الاشتباك مع المجال العام من اجل اقرار حقوق الانسان عامة و حقوق النساء خاصة و ارساء مبادئ العدالة و المساواة و كانت نظرة مساحة امنة لشباب و شابات انهم يحكوا تجاربهم و ينخرطوا في حراك نسوي يهدف الي تغيير المجتمع و جعله مساحة امنة للجميع

نظرة ما كنتش مجرد منظمة او مكان ، نظرة انتجت انتاج معرفي اسهم في ادخال افكار و مصطلحات جديدة في خطاب الحركة النسوية و منها فكرة المدافعات عن حقوق المرأة و الناجيات من العنف الجنسي و التعامل معهن و قدمت الدعم و بنيت قدرات الكثير من النساء و ساندتهن من اجل وصول افضل للنساء و مشاركة اكبر في المجال العام

نظرة خرقت الكثير من التابوهات و منها تقدم دعم للناجيات من العنف و خاصة العنف الجنسي بكل ما تحمله هذه المهمة من خرق للقواعد الاجتماعية المتعارف عليها و اصرت علي مواقف واضحة في وقت تراجع فيه الكثيرون خوفا من الوصم

نظرة ما قصرتش نشاطها في فئة عمرية او منطقة جغرافية معينة ، بالعكس خلقت قاعدة واسعة من النسويات في اقاليم الجمهورية المختلفة و دعمتهم بالمعرفة و عملت علي بناء قدراتهن و دة غير من مسار حياة بنات و ستات كتير منهم انا و غيري

نهاية ، الموقف اللي بتمر به نظرة ما هو الا تصفية حساب مع النظام القمعي اللي بيحكم البلد اللي مش ناسي لنظرة انها رصدت انتهاكات الانظمة المتعاقبة طوال فترة عملها بنزاهة و طرحت خطاب نسوي و حقوقي يدين انتهاكات النظام ضد النساء . فريق عمل نظرة انهاردة قيد الاستجواب و لازم ندعمهم في معركتهم الحاسمة دي لانها في الاخر معركة ضد القمع و التسلط و لاننا لو مؤمنين بالعدالة ، فلازم نقدم يد العون و الدعم المستمر لنظرة

اظهر تضامنك علي هاشتاج #متضامنة_مع_نظرة علي وسائل التواصل الاجتماعي

بيان نظرة عن التحقيق مع 3 من فريق العمل في قضية التمويل الاجنبي ...اضغط هنا

للاسف فقدت شغفي بالقراءة و صبري عليها ...بقيت باخد وقت كبير اوي عشان اخلص كتاب او رواية و بقيت باتنقل بين الصفحات

بتقل مهما كان الموضوع شاددني .. يمكن دة راجع لنقص الشغف لكل الاشياء

بس لا انكر ان اخر كتاب قريته فرق عن الحالة دي ...قريته كله في قعدة واحدة و انا مسافرة من القاهرة لكوبنهاجن ...ما قدرتش اشيله من ايدي ولا اتشتت و انا باقرأ . الكتاب اللي قريته ، كتاب نساء بلون القهوة للصديق العزيز جدا اسلام صالحين، و هو باكورة اعماله الادبية ، اسلام كتابته عذبة ، بتنقلك من موضوعات جدلية جدا باسلوب سلس و كمان اغلب كتاباته ساخرة ، بيتريق علي المجتمع و امراضه المزمنة بشكل ذكي و مثير للاهتمام و يمكن من اشهر ما كتب حلقاته الاذاعية مع الجميلة اسعاد يونس في برنامج زمبؤلك كدة .. انا عن نفسي انبسطت بها كلها و فضلت متابعاها كلها

نرجع تاني للكتاب ، الكتاب مجموعة من القصص القصيرة اللي بتدور حوالين موضوع واحد و هو معاناة النساء السوداوات في مجتمعنا ، ازاي ثنائية اللون و الجنس بتشكل حياة الستات دول و تفرض عليهم تمييز و قهر يومي و بتشكل تفاصيل ايامهن

الكتاب مؤلم جدا جدا ، يمكن انا حساسيتي له زايدة لاني مع كل حكاية كنت باحس اني ممكن اكون مريت بتجربة شبيهة ، اسلام غزل حكايات واقعية و ملموسة ممكن تمر علي ناس كتير مرور الكرام ، بس هو بفطنته و رهافة حسه بروزها و سلط الضوء عليها عشان يبين عذابات ستات كتير

انا كنت محظوظة اني قريت جزء من القصص قبل النشر و كنت محظوظة اكتر ان اسلام استوحي مني قصتين . القصص كلها بتبين تقاطعية اللون و العرق و الجنس و ازاي الستات بتستحمل مهانة و عنصرية بسبب مكونات هويتهن المتعددة

القصص بينت سخافات في مجال العمل زي البنت اللي قدمت انها بتبقي مضيفة و اترفضت بسبب لونها و الطفلة الصغيرة اللي امها حولتها لمسخ عشان اصحابها في الحضانة يقبلوها و البنت اللي اعتبرها الكل في الميكروباص غير مصرية و اتريقوا علي شعرها الافريقي و مظهرها ...كل القصص تدمي القلب و بتكشف فجاجة التمييز و العنصرية اللي بتتعرض له الستات السوداوات في مجتمعنا اللي بيرفض انه بيتصالح مع حقيقة انه عنصري و طبقي

و لكن تبقي القصة اللي علمت في قلبي و وجعتني اوي هي قصة البنت المراهقة اللي خرجت مع ابوها و فضلوا يتعرضوا لهجمات عنصرية مكثفة عكرت صفو يومهم ، البنت فضلت تمنع ابوها انه يحتك و يرد علي العنصريين اللي انهالوا عليهم بسخافاتهم ...اتوجعت اوي ان البنت تصالحت مع كم العنف الخرافي اللي شفته و تعايشت مع المها كأنه جزء من جلدها و رضيت به و كأنه .. القدر الوحيد... استسلام للقمع و القهر مش بس ضعف ، فيه استنزاف لكل طاقة السلام اللي جوانا و رضوخ للشرور و الاشواك اللي بتزرع في طريقنا ، لكن الله غالب ساعة من كتر العذاب بتفقد الاحساس

علي قد ما تألمت و شفت زواية من زوايا حياتي مع كل قصة و شفت تجربة حد من قرايبي او صحابي ..علي قد ما حسيت ان اسلام صالحين نكأ جرحي النازف دوما ,. بس كمان كنت سعيدة ان حد اتجرأ و صرخ و اتكلم عن الهم اللي كسر ضهر ستات كتير ..اسلام لمس نقط مهمة اوي و عالج موضوعات لها علاقة باللون و الجنس و الطبقة بعذوبة شديدة ساعدت في توصيل الافكار و الكتاب بالنسبة لي حجر في بحيرة مائها اسن .. ها يحرر ناس كتير من افكار مقولبة و فاشية .. احنا محتاجين نصارح نفسنا بعيوبنا و محتاجين كتابات بنفس الجرأة و الصراحة عشان بجد الوضع بقي غير محتمل و غير انساني

Being feminist in a country like Egypt is not an easy choice to make, it means that you devote yourself to fight patriarchy, fundamentalism, militarization and violations of Human Rights. Egyptian feminists since the emergence of the movement in Egypt in the early twentieth century were fighting the customs, traditions, rigid interpretations of religion and culture which degrade women.

Egyptian feminists were active in the national struggles for independence, they shared the tough moments of the struggles, but when they started to claim their rights, and their voices were neglected. The Egyptian feminist movement fought fiercely against the diminishing of their rights, they organized a sit in in the parliament calling for their rights as citizens to gain their political rights to vote and the fight was tough against the state, although women were granted their political rights, but the feminist pioneers faced harsher measures from Nasser military junta regime, for example Doria Shafiq was detained in her house till her death in 1975.

Since Doria’s fight with the state for equality and full citizenship, the Egyptian feminists raised many issues pertaining both the public and the private sphere. They tackled the family laws as the most important laws that effect the daily life of Egyptian women and their families, they called for equality and egalitarianism in the law. They claimed their rights to have save spaces in the domestic sphere and they proposed domestic violence law, which is not adopted till present.

And as for the public sphere, women called for their right to participate in the political arena, in the electoral system of 2010 the women quota was adopted as a measure in to introduce more women to the parliament, but it was removed afterwards.

Between the public and private sphere, the personal stories of the struggles of the feminists are inspiring in the times of hardship and agony, I want to share with you a story of woman that I witnessed, a story of a young woman who had a dream and fought with integrity to achieve it. This woman is Mozn Hassan, the founder and the executive director of Nazra for feminist studies.

Mozn was born to a middle class family, where her mother taught that holding to your principles is the best choice. Mozn in her early age looked up for the history of struggle of the Egyptian feminists, she read the biographies and autobiographies of these women who changed the course of history and fought for justice, equality and welfare of Egyptian women. She was inspired mainly by the story of Doria Shafiq and her endeavor against tyranny and despotism. She did not know by that time, she will have similarities with Doria.

Mozn had a dream to spread awareness on the gender gap in Egypt and to work continuously to end it, she started shaping her dream, she figured out that to change the situation, we must create a vivid feminist movement . She wanted to create a platform where the feminists express their views and to be aggregated to end centuries of marginalization and misogyny. After working in various Human rights NGOS and after sharpening her academic skills by earning a master in international human rights law on the legal interpretations in the right to divorce and polygamy by the Egyptian feminist movement in the American university in Cairo. She started to think to create an organization where young feminists both men and women have a chance to articulate their interests and pursue their work to end the inequality in the society.

In 2005, Mozn started establishing Nazra for feminist studies and it was officially registered the last days of 2007 and that’s shows how difficult the process of establishing and registering an NGO in Egypt. Nazra was and is a safe space for feminists to develop their ideas and to effect the society to change its attitudes toward women, Nazra is a place that feminists gathered regardless of their background, education and political ideology. Nazra was not a typical centralized Ngo, on contrary it worked with the feminists outside Cairo to create their own struggles and to promote their own portfolios.

Mozn and Nazra were candid enough to open thorny files, they started reporting the violations of the state against the women Human Rights defenders WHRDs, they started creating a base of the WHRDs where they can build their capacities and sustain their activism. Nazra offered the WHRDs support. In addition to naming and shaming the state for its violations, Nazra questioned the fundamentalism by questioning the discourse of the Islamist government in the era of Muslim brotherhood and how they perceive the women role and status in the public and private domain.

Finally the most important contribution of Nazra was standing up for the sexual violence of Tahrir square in 2013, Nazra did not only reported the case of the sexual assaults and supported the survivors , but also advocated for their right, called for ending the status of impunity and making the streets safe for women.

I am writing about Mozn Hassan who I am proud of, and I am blessed to be one of her friends in a very critical moment of her life, when she is persecuted for what she worked for and what she tried to change and she is banned from travelling. Mozn is officially summoned and charged in the case of foreign funding. The grip of the state is getting tighter and tighter and it is suppressing any democratic voice that claims its rights. This case is a clear example that the totalitarian state is back to hinder our freedom and liberty. Mozn is reviving the history of her great feminist ancestors who stand with honor against any degradation of women rights. Mozn effort of promoting and protecting women rights is internationally recognized, she is awarded Charlotte Bunch award for WHRD in 2013 and she is awarded the right live hood award .I urge the Egyptian government to stop the travel ban and let her travel to receive her award.

Hereby, I support Mozn Hassan for what she presents as an adherent of equality, justice, integrity and solidarity. I call upon all the believers of justice to support and accompany Mozn in her hard journey to stop the state tyranny against her as a women human rights defender. Your solidarity and support will make difference and they much appreciated.

show your support to Mozn through tweeting on the hashtag : #InSolidarityWithMozn and #InSolidarityWithNazra

اتولدت في القاهرة كجيل ثالث للتهجير . اتربيت في بيت عيلة نوبي و فضلت الاغاني النوبية ترن في وداني من نعومة اظفاري . مش بس الاغاني رطان ستي فاطمة اوش الله اللي كانت بتحكي لي حكايات انا و واخواتي و بنات خالي ، كانت بتبدأ الجكاية بالعربي و تسترسل بالنوبي .صحيح عمري ما فهمت مضمون حكايات بس صوتها العذب الحنون كان بيرسم بسمات في قلبي ، لسة فاكرة

عمتي سيدة و هي بتناده علي احفادها و علينا بالنوبي و كنا بترد رغم اننا مش فاهمين ، غير اسامينا بس عمر ما حد فيهم كلف خاطره يعلمنا نوبي بالعكس هما كانوا بيتجهدوا يتعلم عربي و يكلمونا عربي

لحن اللغة النوبية و جرسها فضل في وداني الي الان و ها يفضل يرن في وداني لاخر حياتي ، لسة فاكرة لفي ورا امي و هي بتنضف البيت و بتغني ورا كاسيت لاغاني محمد وردي ، كنت باحفظ الاغاني و رتمها و ارقص و انا في قمة الانسجام حتي و انا عمري ما فهمت اللي بيتقال .

بس موقفي من اللغة اتغير و اتطور ، ابتديت مع نموي العقلي و السني اسأل ليه ما حدش اهتم يعلمني ، ليه ما حدش نقل لي التراث دة . انا حاسة بالم شديد اني باتكلم لغتين و هما لغات المستعمر الانجليزي و المستعمر العربي و عمري ما اتكلمت لغتي الام اللي هي النوبية . المأساة اللي انا فيها دي مش ازمتي لوحدي دي ازمة جيل كامل ولد في التهجير و لم تنقل له المعرفة باللغة

ساعات كتير بافكر ان اللي انا باعاني من اثر عمليات تعريب ممنهجة ، اه مفيش وثيقة رسمية او قرار بيقضي بمحو اللغة النوبية بس كمان الدولة لم تقم باي دور للحفاظ علي اللغة رغم ان في مادة واضحة في الدستور 2014 بتحمي التعددية الثقافية اللي اهم تجلياتها التعددية اللغوية و دة ينطبق علي النوبيين و الامازيغ و البجا . في 3 لغات محلية في مصر بتندثر و الدولة مش بتبذل اي مجهود يذكر للحفاظ علي اللغات الانسانية دي و هي تجلي من تجليات ثراء و جمال مصر و جزء من التراث الانساني

لسة فاكرة في 2013 في اثناء اعمال اللجنة المكلفة بصياغة الدستور المعروفة اعلاميا بلجنة الخمسين. انا كنت ضمن فريق ممثل النوبيين الاستاذ حجاج ادول ، حاولنا اضافة مادة للحفاظ علي اللغات المحلية و واجهنا بصلف و تعنت شديد من العروبيين و النقاش امتد برة جدران اللجنة و كان في ردود فعل كتير رافضة و اهمها مقال لعبد الرحمن الابنودي مؤداها رفض اي لغة غير العربية و ان مصر عربية بلا اي لغات محلية

طبعا ردود الافعال دي تنم عن ضيق افق و تجاهل لحقائق تاريخية لها انعاكسات واقعية و المستفز ان في تجارب في دول "عربية"زي المغرب و الجزائر عملت علي تضمين اللغة الامازيغية في دستور الدول دي كلغة رسمية و دة و لا ادي لفرقة و لا اثر علي وحدة الدولة

لو فعلا مصدقين ان مصر موزاييك متنوع ثري يضم جماعات بشرية مختلفة ، يبقي لازم نحتفي بالاختلاف و التنوع ، في دول قوية زي الهند فيها لغات عدة و السنة مختلفة ولا دة اثر علي الوطن و لا هدد امنه

نفسي في يوم اتكلم فيه نوبي و اقصي املي اني اتكلم مع عمتي زينب في البلد ديالوج قصير بالنوبي و انا فرحانة جدا اني ابتديت اتعلم نوبي بشكل منهجي مع استاذ قدير و حلمي ان انهي خرسي و جهلي باللغة النوبية ينتهي

اود ان أوضح بعض النقاط الأساسية في هذه التدوينة عن اخر تحديثات القضية النوبية و اكتبها علي خلفية اعتزام النوبيين إقامة وقفة احتجاجية غدا ثالث أيام العيد الأضحى ، و ترجع أهمية توقيت الوقفة في تدفق النوبيين النازحين من القاهرة و الإسكندرية و مدن القناة الي محافظة اسوان احتفالا بالعيد الاضحي و الذي يشهد اكبر تجمع نوبي.

ستقام هذه الوقفة احتجاجا علي سياسات الحكومة المصرية التي تنتقص و تنتهك حقوق النوبيين التي اقرها الدستور المصري.

خلفية عامة عن الاحداث :

تأتي هذه الوقفة ردا علي ردة تاريخية و انتقاص من حقوق النوبيين التي وردت في الدستور ، و لعل محور الانتهاكات يدور حول حق العودة الي الأراضي النوبية التاريخية الذي اقره الدستور في المادة 236 التي تنص علي التالي:

"تكفل الدولة وضع وتنفيذ خطة للتنمية الاقتصادية، والعمرانية الشاملة للمناطق الحدودية والمحرومة، ومنها الصعيد وسيناء ومطروح ومناطق النوبة، وذلك بمشاركة أهلها فى مشروعات التنمية وفى أولوية الاستفادة منها، مع مراعاة الأنماط الثقافية والبيئية للمجتمع المحلى"

تعتبر المادة 236 السند الدستوري الذي يستند اليه النوبيون في المطالبة بحق العودة ، فكما اقرت المادة التي تعترف بحق عودة النوبيين الي أراضيهم التاريخية حول بحيرة ناصر او بحيرة النوبة في قول اخر. و علي الرغم من إقرار المادة لحق العودة الا ان هناك تباطئ حكومي في تنفيذ هذا الحق و اخلال بمضمون هذه المادة من خلال سلسلة قرارات جمهورية تتعارض مع حق النوبيين الدستوري.

فعلي سبيل المثال أصدرت رئاسة الجمهورية القرار 444 القاضي بترسيم 17 قرية نوبية من العلاقي شمالا الي ادندان جنوبا كحدود عسكرية يحرم التنقل و السكني فيها ، و من الجدير بالذكر ان هذا القرار اقتطع 125 كيلو متر من أراضي النوبة التاريخية و عينها حدود عسكرية مما يتناقض جملة و تفصيلا مع نص المادة 236. و من مدعاة السخرية ان الحدود المصرية مع إسرائيل الي اقرتها اتفاقية كامب ديفيد لا تتجاوز 5 كيلومتر بينما حدود مصر الجنوبية تزيد عن 100 كيلو.

و من المهم ذكر ان النوبيين اتبعوا طريق مقاضاة الدولة رفضا للقرار 444 و اقرت هيئة مفوضي الدولة رفض القرار 444 و هو رأي استرشادي الا انه يعد مؤشرا.

تبع القرار الجمهوري قرارات اخري رسخت ايمانا لدي النوبيين ان الحكومة تستكمل نهج الحكومات المصرية في انتهاك حقوق النوبيين العادلة و منها القرار 355 الذي قضي بضم أراضي توشكي و فرقوندي الي مشروع المليون و نص فدان الذي تروج له الحكومة ، الا ان ذلك قوبل برفض عارم و غضب من جموع النوبيين و تبلور الرفض في تشكيل قافلة النوبة في نوفمبر 2016 التي اعتصم فيها النوبيين في ارضهم التاريخية لمدة خمسة أيام و أجبر النوبيين الدولة علي شطب أراضي توشكي و فرقوندي من كراسة شروط المشروع.

لا تنتهي معركة مع الحكومة حتي تبدأ معركة اخري ترتكز علي محورية و أهمية الأرض بالنسبة للنوبيين و هناك سعي حثيث من الحكومة علي السيطرة علي أراضي النوبة و كانت اخر تجليات رغبة الحكومة في انتزاع الأرض من النوبيين مشكلة حصر أراضي و منازل النازحين، حيث أعلنت الحكومة علي شروط مجحفة لتعويض النوبيين النازحين منذ تعلية خزان اسوان في عام 1932 الي 1964، حيث وجد الاف النوبيين معضلة في اثبات حيازتهم للأرض و الممتلكات الأخرى و اضطلع القانونيين النوبيين بالعمل علي إقامة دعوي قضائية تطعن علي إجراءات الحصر و تطالب بمعاملة عادلة للنوبيين.

علي الرغم من محورية الأرض للنوبيين كسكان اصليين طبقا لتعريف الأمم المتحدة، الا ان الثقافة و اللغة النوبية جانب هام جدا من المعضلة النوبية ، فقد اقر الدستور التعددية الثقافية في مادته ال 50:

"تراث مصر الحضارى والثقافى، المادى والمعنوى، بجميع تنوعاته ومراحله الكبرى، المصرية القديمة، والقبطية، والإسلامية، ثروة قومية وإنسانية، تلتزم الدولة بالحفاظ عليه وصيانته، وكذا الرصيد الثقافى المعاصر المعمارى والأدبي والفني بمختلف تنوعاته، والاعتداء على أى من ذلك جريمة يعاقب عليها القانون. وتولى الدولة اهتماما خاصا بالحفاظ على مكونات التعددية الثقافية فى مصر".

للأسف تنتهج الحكومة نهجا يتجاهب الخصوصية الثقافية النوبية و لا تدعم أي مبادرة للحفاظ علي التراث الملموس و غير الملموس النوبي و الحفاظ علي اللغة النوبية من الاندثار.

نهاية هناك تخوفات من نزع ملكيات الجزر النوبية هيسا و عواضة و نارتي و بيع للمستثمرين في اطار استغلال الجزر النيلية مثل جزيرة الوراق ، للأسف الانسان النوبي و تراثه و ارضه يتعرضوا للقمع منهجي من الدولة و للأسف لا تنتهي إشكالية حتي نواجه باشكالية اخري.

لدي قولا واحدا حقوقنا، كفلها الدستور و اقرها ملايين المصريين بموافقتهم علي الدستور و لن يكف النوبيين عن المطالبة بحقوقهم التاريخية الا ان يشاء الله يقضي امرا كان مفعولا.

I have been writing about the Nubian cause since 2005, through out my writing i wrote about the history of the cause, why do we protest for our rights, what are our rights.
Nubian cause started in 1898 as an African community divided by the colonizer. in 1898, the British colonizer divided the historical Nubia to Egyptian Nubia in the north and Sudanese Nubia in the south, since then and misery started.

the Nubian land was a target for the colonizer plans. Nubian land was subjected to dam building and that lead to serious of forced displacements, Nubians were displaced in 1902, 1912 and 1932. Every time Nubians wake up at the scene of water flooding their homes. They did not have any assistance from the Egyptian governments. If you want to read the misery in details, I advise you to read "AlShamendora" novel of Mohamed Khalil Qassem, to know the story of the old traditional Nubian society an the attack of forced displacement. Nubians migrated to Cairo, Alexandria and Suez canal cities.

the misery reached its peak in the 1960's under the regime of Nasser the Arabist regime. Egyption Nubia was drown completely under the water of biggest artificial lake in the world. It was named after the name of the Nubia executioner, Nasser lake or Nubia lake, as it should be named.

Nubians lost the assets, land, culture and identity and add to this, they lost HOME. Nubians were forced to stay in inadequate environment in Komo Ombo valley far from the Nile river, the main vain of Nubian life.

this is our dark painful past, the painful present started with the revolution in 2011, from 1964 to 2011, all the governments denied Nubains their right. the revolution made The Egyptians to move towards freedom, dignity and liberty to end decades of tyranny, despotism and injustice. Nubians claimed their rights and they were presented in two committees to draft the constitutions, started with Manal el Tabie, who was forced to give up her mission because of the pressures on Muslim brotherhood. el Tabie was followed by the renowned novelist, Haggag Adoul.

I was lucky to assist Adoul, he managed to draft "some" rights of Nubians in the constitution of 2014. we were granted the right to return to the historical land in phase of 10 years. the constitution stipulated the right to cultural diversity. the non discrimination article criminalized discrimination based race, color and geographical origin.

but the government did not respect its obligations, in the end of 2014, a presidential decree no 444 of the military borders, which considered 17 Nubian villages in the historical land military borders, then the presidential decree 355 considered Toshka and Farqondy which is Nubian land. in addition to seizing the west of Aswan land.

that's why Nubians protested on 3rd of September to refuse all the denial and violations of Nubian rights. 25 person are detained since then.

بقي لي سنتين ما باكتبش علي المدونة، توقفي عن الكتابة كان متزامن مع توقف انشطة كتير في حياتي منها الشغل بشكل منتظم ، اخر شغل كنت فيه كان في مؤسسة قضايا المرأة المصرية اللي سبتها بسبب تجميد ارصدتها من قبل الحكومة و دة اضطر القائمين عليها انهم يخفضوا عدد العمالة و انا كنت من المستبعدين للاسف.

في الفترة اللي عدت اللي استمرت لسنتين اشتغلت مترجمة حرة و لكم ان تتخيلوا صعوبة اختلاف الدخل بسبب توافرمهمات ترجمة من عدمها . عشت ايام صعبة و فضلت في البيت بالاسابيع ما بانزلش من البيت

انا ما كنتش بس مكتئبة بسبب قلة العمل و ندرته، انا فقدت الشغف لاشياء كتير ، ما بقاش عندي طاقة اقوم بالالتزامات كنت باقوم بها بشكل سلس.

مش ها اخبي عليكم ان المجال العام في مصر احبطني و كأبني و قتل شغفي لاشياء كتير ، بقيت مش باهتم بمن اعتقل و لا من اتمنع من السفر . بقيت بانسي نفسي بشكل واعي ، اغلقت علي نفسي قنوات كنت نشطة فيها و جمدت عضويتي في مؤسسات كنت عضوة فيها زي حزب العيش و الحرية

حتي القضية النوبية اللي كنت شايفها قضيتي الاساسية بطلت اندمج مع الفاعلين فيها او اركز مع تطوراتها حتي ظهوري و تعليقي علي الاحداث بقي لا يتناسب مع اهمية الحدث و اخر الاحداث زي طرح تعويضات للنوبيين علي التهجير القسري و ازاي دة التفاف علي حق العودة الدستوري

بصراحة شديدة انا حاسة اني مقاتل ضل الطريق و بقيت لوحدي خايفة اسمي يجي في ليستة المعتقلين و لا الممنوعين من السفر . و كمان قلبي واجعني علي جيل تحمس و شاف حلم و حاول يحققه في 2011 و للاسف حلمه اجهض و اتقلب الحال لاسوأ مما كان عليه و بقي في سعار من السلطة لاعادة ضبط مسار الوطن لسكة مش عارفة ها تأخدنا لفين. انا بقيت باتابع اللي بيجري دون ابداء اي رد فعل مهما كان وطأة الحدث قلبي اتجمدت مشاعره و بقيت مهتمة بالمساحة الامان الشخصية و بس و بقيت باعزل نفسي عن اقرب الناس ليا عشان اتهرب من اي صعبانيات او تأجيج لمشاعري

في اسوأ احلامي عمري ما كنت اتخيل ان دة ها يبقي وضعي و كنت باراهن علي طولة نفسي و خاصة ان شبكة الدعم بتاعتي كانت قوية من اهلي و زمايلي و اصحابي ، بس دلوقتي مش عايزة اكتر من حياة عادية هادية و مستقرة بدون معارك تدمي قلبي

انا بعدت عن اشياء كتير منها دواير كانت اماني الشخصي و العملي لاني ما بقيتش قادرة اتفاعل و لا اقوم باي دور .

مش عارفة العزلة و اجتناب التعاطي مع الاحداث دة ها يستمر لحد امتي ، لامتي ها افضل متفرجة و بس باتلقي الاخبار و يتوجع قلبي و اقف عند المرحلة دي ، اعتقد دة مش حالي لوحدي دة حال جيل 2011

نفسي عينيا ترجع تلمع للافكار الجديدة و شغفي للاشياء يرجع و نفسي اعمل مراجعة لموقفي و ارجع امارس دوري و اشارك في المجال العام بكل ما يجلبه من انكسارات و الالم

نفسي اخد قراراتي المتعطلة زي دراسة الدكتوراة برة مصر بس حتي دة الخوف موقفني عنها خوفي اني اسيب امي بظروفها الصعبة ، الخوف من الواضح انه بيتابعني و بيقف خطواتي ، نفسي قلبي يجمد و ارجع زي ما كنت

دي مش اكتر من فضفضة و اتمني تعلقوا لو عندكم تجربة مماثلة

من يومين فتحت نقاش علي تويتر حولين إعادة إنتاج العنصرية من النوبيين و ازاي بيستسيغوا إطلاق الفاظ تحقيرية علي اللي بيتعنصر عليهم زي اكتر كلمة بتتقال في السياق دة و هي كلمة "جورباتي" بمعني غير نوبي او اجير و من الواضح انها تحقيرية

انا قابلت عنصرية كتير في مصر و برة مصر و كنت باصدر غضب و ضد اللي بيميز ضدي و كنت ساعات كتير باعيد إنتاج العنصرية و دة كان له اثر سلبي علي سلامي و علي هدوئي . مش ها انسي ازاي بافقد السيطرة علي اعصابي و باطلع اسوأ ما فيا و رغم ذلك ما باحسسش بالانتصار بالعكس شبح العنصرية اللي واجهتني و اللي صدرتها للناس بتفضل ملاحقاني . بافضل غضبانة و حاسة بالاهانة مهما قلت و مهما اتعصبت و مش بالاقي حاجة تهون عليا

بس حاليا انا واصلة لحالة تخليني افكر ازاي نطلع من الدايرة المفرغة دي. ازاي ما نشاركش في إنتاج العنصرية . انا ما متفهمة الدافع اللي بتخلي المضطهدين يتعنصروا علي اللي بيقهرهم . لكن لحد امتي ها نفصل نزكي على الكراهية دي و نأججها . انا نفسي نلاقي وسيلة نعبر بها عن اللي جوانا و في نفس الوقت تتوقف دايرة العنصرية .

انا مش باكتب الكلام دة بسبب الصوابية السياسية أو أني ج ابدو متسامحة. انا جوايا غصب كتير مكتوم بس نفسي اعرف اعبر عن غضبي بشكل ما يؤذينيش لان العنصرية المضادة اكيد بترسب مشاعر سلبية برضه .

نفسي الاقي وسيلة انفس بها عن غضبي من غير ما غضبي يرتد ليا و يبقي اثره سلبي عليا . و طبعا نفسي اعيش حياة من غير غضب و من غير عنصرية و من غير كراهية

اسفة علي الأفكار الملخبطة الكتير بس دي مجرد خاطرة جت علي بالي

نبذة سريعة عن القضية النوبية:

هجر النوبيين 4 مرات في القرن المنصرم في 1902عند بناء خزان اسوان و1912 عند التعلية الاولي للخزان و1933 عند تعلية خزان اسوان الثانية وأخيرا عند بناء السد العالي 1964، تاركين أراضيهم وبيوتهم لبيوت نصف مشيدة في وادي كوم أمبو ومات حوالي 1500 طفل في التهجير القسري الأخير من الجفاف ويرقدوا في مقابر الحضانة في قرية بلانة ومن ذلك الحين والقضية النوبية ملف ساخن يطالب النوبيين بحقوقهم التاريخية دون كلل او ملل.

يتناول هذا المقال التعويضات التي أعلنت عنها الدولة للنوبيين في عام 2019ردا وجبرا للضرر الذي لحق بهم في التهجير القسري ابان بناء السد العالي. وعلاقتها بحق العودة الذي اقره الدستور المصري 2014 في المادة 236. هل تكتفي الدولة بتعويض النوبيين وتغفل حق العودة الذي كان يفترض ان يتم في الفترة من 2014 الي 2024. ومما يزيد الوضع سوءا اصدار القرار الجمهوري 444 الذي اقتطع 17 قرية من النوبة القديمة التي تقع على ضفاف بحيرة النوبة المعروفة باسم بحيرة ناصر واعتبرها حدود عسكرية لا تصلح للسكني او للتنقل. بين تعويض بخس وقرار جمهوري مجحف وحق عودة مهدور تدور مقالتي.

اسأل عدة أسئلة هل التعويض ينفي ويلغي حق العودة الدستوري ولماذا اكتب هذا المقال في هذا الوقت بالذات بسبب سعي النوبيين للحصول علي التعويضات رغم صعوبة الوصول اليها وهل هناك حل لدي القضاء المصري للقضية النوبية ام من الأفضل اللجوء للقضاء الإقليمي.

اكتب هذا المقال للإجابة على الأسئلة السابقة واكتبه الان لان الاف النوبيين يسعوا سعيا حثيثا للحصول علي التعويضات منذ أعلنت الدولة عن التعويضات في 2019 و ما زالوا يجتهدوا في الحصول علي التعويضات رغم صعوبة ذلك و رغم انها عملية تعجيزية.

فيما يتعلق بالتعويضات، بداية حصرت الدولة النوبيين الذين لهم حق تعويض في عدد 5221 بيت و3500 فدان تضرر النوبيون من خسارتهم ابان التهجير القسري في الستينات وهو حصر غير حقيقي وغير واقعي ترك الكثيرين بلا تعويضات. واتسمت رحلة البحث عن التعويضات بالصعوبة الشديدة حيث يقوم الورثة باستخراج شهادات وفاة لأهاليهم الذين عاصروا التهجير القسري واستخراج وثائق اعلام الوراثة للجدود وتلك عملية شديدة التعقيد وتعجيزية للكثيرين. يخير النوبيون بين التعويض عن بيتهم بشقة لا تباع ولا تؤجر ولا ترهن مما يفقدهم حق الملكية الفعلي وبين تعويض مادي بخس يقسم على الورثة فينتهي الامر بهم لتقاضي فتات لا أكثر ولا اقل علما باننا نتحدث عن جيلين من الورثة. استلم البعض بيوت في وادي كركر لكن أصحاب الأراضي الزراعية لم يعوضوا كلهم باي شكل من الاشكال. في هذا الشأن تحاول الحكومة تفتيت النوبيين ككتلة سكانية بإعطاء بعضهم شقق خارج محافظة اسوان مما يشكل خلخلة ديموغرافية للنوبيين.

تم تعويض بعض أصحاب البيوت بمبلغ نقدي يقدر ب 225 ألف جنيه وهي قيمة شقة في الاسكان الاجتماعي عوضا عن بيوت تزيد عن 400 متر مربع والفدان قدر بحوالي 25 ألف جنيه وعوض البعض في وادي الامل وفورجندي.

من الجدير بالذكر ان قوانين التعويضات التي اقرتها الحكومة في مراحل سابقة مثل القانون رقم 67 لسنة 1962 والقرار 106 لسنة 1962 لتعويض متضرري السد العالي والقانون 6 لسنة 1933 لتعويض التعلية الثانية لخزان اسوان. هذه القوانين تم الغائها ولم يشرع أي قانون بديل للتعويضات وهذا عوار تشريعي وقد حاول النوبيون تقديم مشروع قانون بإنشاء هيئة عليا لإعمار وتنمية وتوطين النوبيون في الأرض القديمة للنوبة على ضفاف البحيرة وتسلمه البرلمان في دورة الانعقاد السابقة لكنه لم يناقش وقدم لدورة الانعقاد الحالية ليحاول انهاء الخواء التشريعي المتعلق بالنوبة. ومن الغريب عدم وجود قانون يحكم التعويضات مما يجعل الدولة تتصرف في أموال دون سند قانوني وهذا عوار تشريعي واضح، يفتح الباب لإهدار المال العام بدون رقيب.

يتركز السؤال الأساسي للمقال حول هل تنفذ الدولة حق العودة بعد تعويض النوبيين، هل تقوم بإنشاء البنية التحتية اذانا بعودة النوبيين الي أراضيهم. تتمحور المشكلة في رغبة الدولة في انهاء الملف النوبي بالتعويضات والغاء حق العودة وعدم بحثه الي اجل غير مسمي وتحكم الجيش في الأراضي حول ضفاف النوبة وعدم عودة سكانها الأصليين. وتستنزف الدولة الوقت لإنهاء المهلة الدستورية لحق العودة، فعلي الرغم من ان المادة 236 تنص على التالي:"تكفل الدولة وضع وتنفيذ خطة للتنمية الاقتصادية، والعمرانية الشاملة للمناطق الحدودية والمحرومة، ومنها الصعيد وسيناء ومطروح ومناطق النوبة، وذلك بمشاركة أهلها في مشروعات التنمية وفى أولوية الاستفادة منها، مع مراعاة الأنماط الثقافية والبيئية للمجتمع المحلى، خلال عشر سنوات من تاريخ العمل بهذا الدستور، وذلك على النحو الذي ينظمه القانون. وتعمل الدولة على وضع وتنفيذ مشروعات تعيد سكان النوبة إلى مناطقهم الأصلية وتنميتها خلال عشر سنوات، وذلك على النحو الذي ينظمه القانون."وكما يتضح من المادة التي امهلت الحكومة عشر سنوات لإعادة النوبيين الي مناطقهم الاصلية. لم تقم الدولة باي فعل او ممارسة تشهد باهتمامها بإعادة النوبيين، فقد مضت 7سنوات دون ان تقوم الدولة بتنفيذ ما التزمت بها دستوريا في موضوع حق العودة ولا حتى خططت للقيام بذلك بالعكس استولت على 17 قرية بموجب القرار الجمهوري 444 الذي أطلق يد الجيش في أراضي نوبية حول بحيرة النوبة بدون السماح بالسكني او التنقل فيها.

أتساءل هل في هذا الوقت الحرج الذي يتسابق فيه النوبيين للحصول على أي حق ولو زهيد تطرحه الحكومة هل تنفي التعويضات حق العودة. الإجابة النموذجية المرتكزة على الدستور، لا تنفي التعويضات وهي حق شخصي حق العودة وهو حق جماعي او من حقوق الشعوب كما عرف الميثاق الافريقي لحقوق الانسان والشعوب. لكن من الواضح ان الدولة لا تسعي وتقوم باي جهد لإعادة النوبيين الي أماكنهم الاصلية وتحاول ان تلقي لهم تعويضات بخسة علي امل اسكاتهم والهائهم عن حق العودة ولكن الحكومة تناست ان حق العودة حق اصيل للنوبيين لا يمكن اغفاله او انكاره حتى بعد المهلة الدستورية.

اود ان اطرح فكرة لجوء النوبيين للقضاء الدولي هل يعد ذلك تدويلا للقضية واستقواء بالخارج، اجابتي ان مصر وقعت على ميثاق حقوق الانسان والشعوب الافريقي مما يخول المصريين من اللجوء لمحكمة الافريقية لحقوق الانسان والشعوب. وليست القضية النوبية اول قضية تنظر امام المحكمة الافريقية فقد قدمت قضية الأربعاء الأسود التي تعرضت فيها الصحفيات للتعدي الجنسي في 2005. بسبب دراستي للقانون الدولي لحقوق الانسان اري في الاليات الإقليمية لحقوق الانسان ملجأ في حالة فشل الاليات الوطنية من إقرار حقوق الافراد والمجموعات. ولا اهتم بفزاعة التخوين والاستقواء بالخارج لإنها خطاب يتناسى حقوق الافراد والمجموعات ويقيد أصحاب الحقوق في السعي لنيل حقوقهم. ارتبطت القضية النوبية بفزاعة التدويل منذ حضور الاديب النوبي الكبير الأستاذ حجاج ادول لمؤتمر الأقليات في عام 2005 ومنذ ذاك الحين يعتبر أي ظهور دولي للقضية استقواء وانا اري ذلك تضييق وتقليل من الأدوات الشرعية التي يمكن ان ينتهجها النوبيين.

أتكلم في هذا المقال بصفة الباحثة ولكن لقلبي رأي اخر. يحزنني ان تتعامل الدولة مع الملف النوبي بهذا القدر من الاستخفاف والصلف. هل تعتقد الدولة اننا سنسكت عن حقنا المشروع في تعويضات عادلة وإعادة اعمار لبيوت التهجير في كوم امبو وان نعود الي الأرض القديمة. لا اعتقد اننا سنقف مكتوفي الايدي فلقد رفع المحاميون النوبيون دعوي امام المحكمة الإدارية العليا على القرار 444 ومضت 6 سنوات وهو يتداول ولم تحسم القضية بعد. إذا كانت الدولة تعتمد على سياسة إضاعة الوقت لتجاوز المدة الدستورية، لن تترك لنا الدولة حل سوي التقاضي الدولي امام محكمة حقوق الانسان والشعوب الافريقية.

ان الوضع النوبي الحالي بين حائر يجمع وثائق الجدود وبين تعويض بخس وبين بيوت تتهاوي في كوم امبو مكان التهجير وبين ثقافة تندثر ولغة تفني. نهاية أؤكد ان حق التعويض حق فردي لا ينفي الحق الجماعي في العودة وان تجاهلته الحكومة الحالية، سيبقي يلاحق الحكومات القادمة. كفانا تهجيرا وبعدا ان ارضنا الاصلية، لقد تعبنا من الشتات الذي فرض علينا وضاع لساننا بسبب عدم اهتمام الدولة بلغتنا المحلية على الرغم من تجربة اعتراف كلا من الجزائر والمغرب باللغة الامازيغية. تأبي الدولة ان تعيدنا للأرض القديمة اما خوفا على الامن القومي المصري من وجود اقلية على الحدود او رغبة في الاستيلاء على الأرض لعرضها للمستثمرين. لكننا لن نقف صامتين امام هذه الانتهاكات وسنطرق أبواب القضاء الوطني والإقليمي.

نوبة مالي سلام

يا نوبة لك كل السلام

ها اشارككم أحد قصصي، وهي قصة الحجاب، اتولدت في عيلة متدينة وكنت مثال الفتاة المثالية شاطرة في المدرسة ،مطيعة، خلفيتي متدينة جدا. امي لبست الحجاب اول ما اتولدت. لسة فاكرة صورتها في المصيف و انا ما كلمتش سنة و هي بالحجاب. امي مش مجرد ام عظيمة ، امي بوصلتي الأخلاقية و مثلي الاعلي. لسة فاكرة أنى لما تمت 12 سنة ماما اشترت لنا مايوه بشورت وفاكره اول مرة لبسته وازاي البنات استغربوني. انا شخصيا حسيت بإحساس مش قادرة اسميه او قادرة أنى اعرفه.ساعتها حسيت ان انا مش زي كل البنات اللي في سني. استغربت ماما ليه تغطيني ،عمري ما حسيت اني عورة. عمري ما فهمت ليه الست تتغطي و الرجل لا

ولما بقيت عندي 14 سنة، اعترفت على زميلة راجعة من الخليج وبأزورها كل أسبوع عشان اتفرج على حلقة عمرو خالد، الداعية اللي كان بيروج للحجاب والاف البنات اتحجبوا بسببه وانا كنت بطبعي بنت مطيعة وباعمل الصح، فاتحجبت وبابا اعترض وقال انتي لسة صغيرة وانتي مش نموذج للمسلمة. ما فهمتش عبارة "انتي مش نموذج للمسلمة"وقررت اتحجب رغم رفض بابا. طول عمري كنت mainstream girl ، كنت بنت عادية زي ملايين البنات المصريات، عايزة ابقي ناجحة و ارضي اهلي و أحاول اخلي اساتذتي يحبوني. لبست الحجاب عشان شفته فرض. و ايات الله في الحجاب كانت مرجعيتي و خريطتي لما اتحجبت.

لسة فاكرة فرحتي لما الولد اللي انا معجبة به هنئني بالحجاب، فضلت مثال لمسلمة متدينة في المدرسة الثانوية وفي الجامعة ابتدأت اتعرف على نسويات في أنشطة الجامعة وكنا قابلين اختلافاتنا، كانوا بيتنمروا عليا بهزار عفوي ومسميني "المرجعية الإسلامية"عشان كل تكليفاتي في الجامعة كانت عن إيران و كان اهتمامي في كلية الاقتصاد و العلوم السياسية . جامعة القاهرة كانتعن ايران اللي فيها احسن نسويات اسلاميات في العالم. الا ان الحجاب الاجباري في ايران كان مؤرقني و كنت حاسة ان من حق أي ست انها تتحجب لو عايزة او او ما تتحجبش لو مش عايزة.ودة كان بداية التعرف على نظرة تانية لموضوع الحجاب. قرأت عن الثورة الإسلامية ومن اول قراراتها فرض الحجاب على الايرانيات، بدأت قراءة مدونات لنساء ايرانيات وكنت في هذا الوقت ارتضيت الحجاب كفعل طوعي ورفضته كفعل قسري. و انا طالبة في الكلية عملت بحث التخرج علي حقوق المرأة بين الشريعة و القانون في مصر، كوني نسوية إسلامية كان باين من و انا طالبة.

بعد التخرج، التحقت بالعمل في مركز القاهرة لدراسات حقوق الانسان وبدأت فترة مختلفة في حياتي، بدأت اتعرف علي فاطمة المرنيسي النسوية الكبيرة المغربية رحمها الله وقرأت لها العديد من كتبها، أتذكر انني كنت اقرأ في المترو كتاب الجنس كهندسة اجتماعية وأتذكر نظرات التوبيخ من الراكبات ظنا منهم أنى اقرأ كتاب اباحي. بعدها بعام اتيحت لي فرصة لدراسة الماجستير في مالطا و بلجيكا ، مع حياتي في اوروبا أصبح الحجاب يميزني كمسلمة وصرت اتلقي تعليقات من اوربيين مثل "الا تشعرين بالحر؟ "كنت اعرف انني ليس من حقي ان اتذمر كنت اجيب "اعتدت الحجاب"هنا أصبحت فكرتي عن الحجاب انه عبء على من ترتديه وخاصة انه يميزها تمييز سلبي في حالة وجودها في اوروبا او أي مجتمع لا يرحب بالحجاب . بس فكرة قلع الحجاب كانت غير واردة في ذهني ، كنت لسة مؤمنة بالحجاب انه فرض رغم سخافة الاوربيين اللي اتعنصروا ضدي لاني مسلمة. بس في 2008 قررت اني ها اقلع الحجاب ونظرتي له اختلفت كنت شايفة اني ما لبستوش بشكل واعي كنت صغيرة و مش مدركة تبعاته ، استأذنت ماما اني اقلعه بعد ما بقيت حاسة اني بجد مش مقتنعة به ، اللي غير فكري هو تفسير فاطمة المرنيسي في كتابها الحجاب اللي فندت فيه اسانيد الحجاب في الشريعة في السنة و القرأن . نقاشي مع ماما انتهي برفضها القاطع لقلعي للحجاب و سمعت كلامها و فضلت بالحجاب لغاية سنة 2011. 3 سنين من القهر بسبب حجابي المفروض عليا مجتمعيا. فضلت لابسة الحجاب بسبب ماما. امي دايما الشخص المركزي في حياتي و كان صعب ازعلها

رجعت لقراءة فاطمة المرنيسي وخاصة كتاب الحجاب و سخطي على الحجاب يتبلور. وحضرت الكثير من تدريبات نسوية وكانت حواراتي تتمحور عن سخطي الخفي عن الحجاب. اليان جاءت الثورة وكانت انفراجا لي. طوال وجودي في الميدان سيطرت على فكرة واحدة انني إذا قتلني أحد القناصة، فاني في الدرك الأسفل من النار لأنني منافقة وارتدي الحجاب خوفا من الناس وليس خوفا من الله. الي ان جاء الخلاص يوم كنت اصور نفسي بلا حجاب ليراها من كان حبيبي في ذلك الوقت وتسلطت على فكرة اخري وهي ان لو كنت مرسلة صورة بلا حجاب لأكثر شخص يجب الا يراني بلا حجاب، فلماذا لا يراني الاخرين؟ وقد كان، نزعت الحجاب في 16 ابريل 2011. و كان عندي 29 سنة لا يمكنني ان انسي حبي لمداعبة الهواء لشعري الذي حجب عنه الهواء لمدة 15 سنة.

وبدأت مشكلاتي في الظهور من حيث توقعت، غضب عائلي وسخافات من بعض من ظننت انهم أصدقائي. وتأقلمت مع فكرة نزع الحجاب وحريتي التي مازالت عائلتي ترفضها وما زالت امي تدعي لي بالحجاب كل فينة والأخرى. أدركت مؤخرا ان الله يحب عبيده أيا كانت ذنوبهم، هذا إذا اعتبرنا ان نزع الحجاب ذنب. ولكن الان تراودني فكرة اخري، ماذا لو كان تفسيرات النسويات خاطئة وكان الحجاب فرض بالفعل. الا انني تصالحت مع نفسي كما أبدو الان. ولعل البحث يرشدني الي طريقي. انني اكتب هذا السطور و انا مدركة ان الحجاب ليس مجرد قماش ترتديه النساء علي رؤوسهن ، بل هو ابعد من ذلك. انا فضلت 14 سنة محجبة و 11 سافرة،باكره كلمة سافرة بس العربي مفيش في لفظة تانية غير متبرجة و الاتنين اسخف من بعض . و اتعلمت كتير عن نفسي و عن ربنا و عن ديني و عن انحيازي النسوي. الحجاب هو اللي بيأكد عفة المسلمات و باعتبر سفوري مع التزامي بالملابس المتحشمة حجاب. حاسة دلوقتي بسلام اكتر سواء لبست الحجاب او لا عشان انا متخيلة ان ربنا كريم و رحيم بس نساء الرسول امروا بالحجاب و حتي لو الحجاب مش فرض. و مؤمنة ان ربنا ها يقبلني علي أي وضع سواء محجبة او لا. باتفرج علي النساء الايرانيات في انتفاضتهن ضد الحجاب الاجباري اللي فرضته دولة ايران المتشدد و انا فرحانة لهن انهن قلعوا الحجاب الاجباري و شايفاهن قويات و ملهمات و مثابرات. عمري ما ها اندم علي ال11 سنة اللي قلعت فيهم الحجاب. ربنا الرحيم ها يغفر لي و ها يقبلني و انا واثقة ان عدالة ربنا أوسع من أفكار البشر. ربنا عارف اني باترجي رضاه و اني باحاول أوصل لاجابة علي سؤالي ، هل انا عورة ؟. انا عارفة اني موقفي حرج و قد ابدو متناقضة و لكن اللي حابة أؤكد عليه ان سؤال الحجاب دة سؤال انساني بحت و ربنا مش ها يفرق بين مسلمة محجبة و ست سافرة من أي دين، الفرق بس في التقوي و صلاح الاعمال . ربنا رحمته أوسع من منظورنا الإنساني الضيق .

ادعوا لي و افهموا ان الست مش عورة و مش مجرد جسد . انا اتحجبت برغبتي و قلعت الحجاب برغبتي و لو رجعت لبست الحجاب تاني فدة ها يكون برضه برغبتي . في الختام باقول ان ربنا رب قلوب.

علي انغام اغاني سودانية : احلم بطفل

عن صغيري الذي صار رجلا

رحيق الشمال الافريقي ...موسيقي الراي

رحيق الشمال الافريقي ... موسيقي الراي 2

!!!!!يا نيل ... من غيرك يلم الناس

اوقفوا العنصرية

ابدا لن ننسي 14 مايو 1964

نوبات الغضب المجنونة

جدل الحجاب بين رفضه و فرضه

خوف و فقد شغف و توجس

متضامنة مع نظرة

نساء بلون القهوة

Being a feminist in Egypt : Mozn Hassan

عن كوني خرساء لا اتحدث النوبية لغتي الام

اخر تحديثات القضية النوبية : ورقة خلفية

Nubian cause: History and Developments

فضفضة

عن إعادة إنتاج العنصرية

النوبيين بين التعويضات و حق العودة

قصة حجابي